Imprimir

Os alumnos do Ánxel Fole comezaron este luns 21 días de uso exclusivo do galego

Redacción | 14 de enero de 2020

Presentación da iniciativa no Ánxel Fole. SEBAS SENANDE
Presentación da iniciativa no Ánxel Fole. SEBAS SENANDE

Os alumnos do IES Ánxel Fole participan dende onte no programa 21 Días co Galego e +, no que se comprometen a utilizar de xeito exclusivo esa lingua durante as próximas tres semanas. A duración do plan fai referencia ao feito de que ese é o tempo que algúns estudos estiman preciso para crear un novo hábito.

A iniciativa, que organiza a Secretaría Xeral de Política Lingüística da Consellería de Cultura e Turismo e xa recibiu varios premios, ten dous obxectivos ambiciosos no plano lingüístico: a procura do aumento do uso do galego como lingua de comunicación habitual e a reflexión individual sobre a relación que cada participante ten cos linguas que coñece.

Na apertura da actividade do luns participou o escritor e exprofesor do centro Paco Martín. O acto de inauguración, que tivo lugar no salón de acto, abriu tres semanas de actividades colectivas onde se realizarán fotografías e vídeos, coordinados polo equipo de Dinamización Lingüística o departamento de Lingua Galega, e a dirección do centro.

O programa foi desenvolvido inicialmente pola profesora Pilar Ponte no IES Pobra do Caramiñal e despois adoptado pola consellería para promover o uso do galego entre os adolescentes.

Nesta edición conta coa participación de 10 centros de toda Galicia e 3877 alumnos e alumnas dos 12 aos 18 anos da Eso, de Bacharelato e de FP. Tamén participan de forma directa 305 profesoras e profesores e 60 membros do persoal de administración e servizos. O IES Ánxel Fole é o único de Lugo involucrado na iniciativa.

No blog 21 Días co Galego e + os rapaces e rapazas serán convidados a realizar gravacións individuais onde deixarán constancia das súas reflexións sociolingüísticas sobre a experiencia.

Puede ver este artículo en la siguitente dirección /articulo/lugo/alumnos-do-anxel-fole-comezaron-onte-21-dias-uso-exclusivo-do-galego/202001141818461417141.html


© 2020 El Progreso de Lugo

Rúa Ribadeo 5, Lugo

Tlfno: 982 29 81 00

(Grupo El Progreso)