Opinión

Alimentar co odio ten repercusións

FRASES como "a Policía recoméndalle ás mulleres dun distrito no que hai un centro de menores estranxeiros que non saian con xoias" ou "hai que actuar nos barrios tomados pola inmigración ilegal" criminalizan un colectivo cada vez máis estigmatizado. Os que así falan, dixirentes da extrema dereita que incluso fixeron campaña diante do lugar no seu empeño contra os migrantes, non se estrañarán de que se lanzara un artefacto contra o edificio ou que se producira un asalto con barras de ferro e cadeas contra os alí residentes. Proliferan nas redes, alimentadas con de odio, páxinas que incitan á caza de menores procedentes doutros países, grupos que fomentan a xenofobia en base a mentiras ben regadas por quen agora xa ten plataformas institucionais. Os que interpretaron que decisións tomadas no Parlament promovían violencia non terían difícil, se quixeran, unir discursos racistas con indución a ataques. Quizais cando haxa unha desgraza.

Comentarios