A Consellería de Educación, Universidade e Formación Profesional publicou a adxudicación das obras de rehabilitación integral do CEIP de Melide nº1, por un montante de 856.660,70 euros, que se compatibilizarán a partir de setembro co curso académico e contarán cun prazo de execución de tres meses.
As actuacións incidirán na mellora da eficiencia enerxética do centro mediante a substitución da cuberta na zona de comedor e deportiva, ademais do illamento das fachadas polo exterior e a renovación das xanelas e luminarias LED.
Tamén se mellorará a accesibilidade ao centro mediante a instalación dun ascensor exterior que comunicará todas as plantas e unha rampla en planta baixa no acceso principal ao edificio e outra no interior do soto que conectará o ximnasio co acceso ao ascensor, ademais de novas aulas.
