Os alumnos dos colexios de Sarria e ducias de adultos están a participar na Semana das Letras e a Lectura, unha iniciativa da concellaría de cultura que oferta dende contacontos ata exposicións e obradoiros para nenos e maiores.
O autor sarriao Manuel Darriba impartiu un taller de escrita e Idoia de Luxán outro de manga. Os escolares sarriaos recibiron tamén a visita da escritora Ledicia Costas e gozaron cos contacontos de Anxo Moure, Saleta Fernández e Polo Correo do Vento.
Na mañá deste xoves houbo un contacontos e un obradoiro creativo a partir da obra A Brétema de María Victoria Moreno. As actividades continuarán durante toda a semana.
Segundo a concelleira de cultura e igualdade, Mónica López, o obxectivo é "iniciar un camiño que consolide esta iniciativa como unha cita anual arredor da literatura infantil e xuvenil".