Cristina Pérez
05/sept./2019
É pequeniño, aventureiro e o encargado dende non se sabe cando de recoller os dentes de leite dos nenos e das nenas cando lles caen e intercambialos por regalos. O Ratiño Pérez, un veciño máis de Vilalba dende hai xa un tempiño, quixo agradecer as moitas mostras de cariño recibidas e pensou que a mellor maneira de facelo era publicar un libro no que recolle instantes da súa vida e familia. A obra preséntase este venres 6, ás 19.00 horas nos xardíns do Parador, coa colaboración do Concello de Vilalba e dunha amiga moi especial. Antes, o Ratiño Pérez prestouse a falar un pouco da obra homónima, do seu traballo e da súa vida na capital chairega.
