lunes. 17.02.2020 |
El tiempo
lunes. 17.02.2020
El tiempo

Redactora de El Progreso na sección de Local. Especialista en información da área municipal. Tamén podes seguirme na miña conta de Twitter.

San Marcos por San Caetano

Lara Méndez y Gonzalo Caballero, antes de la reunión de la Executiva Nacional del PSdeG. XESÚS PONTE
Lara Méndez y Gonzalo Caballero, antes de la reunión de la Executiva Nacional del PSdeG. XESÚS PONTE

NO OUTONO do ano que vén, se non é antes, os galegos terán que elixir goberno na Xunta e o líder do PSdeG, Gonzalo Caballero, quere aproveitar a boa onda socialista e vai a por todas. Lugo era a provincia onde menos controlado tiña o partido e os resultados electorais e circunstancias previas e posteriores puxéronlle en bandexa o intento de mudar a situación.

O 26M, o PSOE conseguiu o que semellaba imposible e mantivo a capital e con ela a Deputación. Tivo tamén logros moi aparentes, como o goberno do feudo popular de Vilalba, pero no cómputo global empeorou os resultados e perdeu un deputado. Á vez, a maioría absoluta na segunda cidade da provincia reforzou ao seu alcalde, José Tomé, para optar á presidencia da Deputación tras catro anos nos que a aceptable xestión de Darío Campos —véxase orzamentos aprobados, plan único, apertura de residencias..., en parte grazas a polémicos acordos co PP e certo baleiro ao BNG— viuse ensombrecida polas carencias á hora de comunicar e de atallar crises públicas.

A todo o anterior había que engadir a mala relación entre as direccións socialistas provincial e galega, con orixe na falta de apoios mutuos nas respectivas primarias. As tensas relacións percibíronse en moitos momentos nestes anos e de forma especial nas dúas últimas campañas electorais, nas que os choques foron constantes e Lugo e Santiago acabaron indo por separado, e chegaron ao cumiu cando se abriu a pugna San Marcos por San Caetano pola Deputación entre Campos e Tomé. Este resultou estar no momento e no lugar axeitado para os intereses do PSdeG e Campos contaba co apoio de Álvaro Santos, un secretario provincial que mediu mal os apoios cos que contaba cando decidiu botarlle o pulso ao xefe. Se a iso se lle suma unha verborrea ás veces descontrolada, que lle fai perder a razón que pode levar nalgunhas cuestións, e o que aparenta ser certa dificultade para ver o que o resto do mundo ve, era fácil adiviñar cal ía ser o desenlace.

Santos dimitiu, o PSdeG prescindiu de Campos e Ferraz ratificou a Tomé como candidato á Deputación. Polo medio, o goberno de Lara Méndez volveu a ser vítima colateral. As previsións era que Santos, que acaba de incorporarse como concelleiro en Lugo, fora deputado pola capital, pero non só quedou invalidado, por razóns obvias, senón que a maioría dos concelleiros do partido xudicial de Lugo situáronse do lado de Tomé e votaron para deixar a cidade fóra da Deputación.

A intervención da alcaldesa propiciou que Caballero decidira dar un deputado a Lugo —será a concelleira Ana González— in extremis, cando faltaban unhas horas para que Ferraz aprobara as listas. Igual ca noutras ocasións, como a consecución do reforzo do xulgado do social ou a confección da candidatura municipal, Méndez demostrou que ten máis peso do que algúns pensan. A rexedora salvou os mobles, pero o acordo beneficia igual ou máis ao líder do PSdeG. O ano que vén, todos os brazos serán necesarios para remar cara a San Caetano.

Maltrato a Darío Campos
É manido que os inimigos están dentro e é a sensación que queda con Campos, do que ata alcaldes do PP e do BNG recoñecen que sempre puideron contar con el. O PSdeG tamén valora o seu traballo, asegura, e probablemente intente compensalo, pero non hai quen lle quite os malos tragos que viviu na Deputación dende 2015 nin a triste defenestración que acaba de sufrir. Certo tamén que el puido xogar mellor as súas cartas. 

 

Heteroxeneidade a proba
É unha incógnita como funcionará o grupo que dirixirá Tomé, con persoas con traxectorias e perfís antagónicos. Seguen deputados que veñen do ‘besteirismo’, e foron evolucionando, e incorpóranse algúns que foron azoute. Hai alcaldes con lustros de xestión sobre o terreo e deputados que se fixeron nos despachos. E está por ver como rexen co BNG tras anos de frialdade. En Monforte, Tomé papou os nacionalistas. 

 

O PSOE, en mans de quen?
Un home de Caballero, José Antonio Quiroga, está á fronte do PSOE en Lugo trala dimisión de Santos. En noventa días, o partido debería convocar primarias, pero falta moito e de momento ninguén ensina as cartas. Tomé di que non toca; Méndez, que o seu único interese é o Concello... E como é habitual, ese ente abstracto e cada vez máis reducido chamado ‘besteirismo’

San Marcos por San Caetano
Comentarios