O Emevé xuvenil arrebata ao Korbis o liderado trala derrota das monfortinas

Consulta as clasificacións aquí

Júnior

O Emevé arrebata o liderado da táboa a Teis durante o partido que disputaron esta fin de semana na localidade viguesa e no que as de Lugo lograron a vitoria tras forzar o quinto set, polo que se repartiron os puntos. O Emevé queda cun máis na xeral.

TEIS 2 - 3 EMEVÉ

Xuvenil

Nesta ocasión, só o Emevé foi capaz de levarse os tres puntos a fin de semana e completa os cinco partidos sen perder. Foi un paseo para o equipo lugués, que arrasou na pista e que recupera o liderado do grupo xa que o Korbis, que xogou contra o Ourense, perdeu por 3-1 nun partido con marcadores moi axustados.

O Ribeira Sacra mantén a terceira praza malia as tres derrotas consecutivas que leva aínda que apañou un punto do duelo co Oleiros, que se levou ata o quinto set e con marcadores moi axustados.

ZALAETA 0 - 3 EMEVÉ

OURENSE 3 - 1 KORBIS

RIBEIRA SACRA 2 - 3 OLEIROS

Cadete

Emevé e Korbis continúan liderando completamente a clasificación ocupando, respectivamente, o primeiro e o segundo posto. Esta fin de semana venceron ao Teis e ao Ourense a domicilio e malia que as de Lugo pasaron apuros nos dous primeiros xogos, as monfortinas arrasaron.

Dende a parte baixa da táboa, o Ribeira Sacra sumou un punto máis xa que chegou ao quinto set pero perdeu co Oleiros na casa.

TEIS 0 - 3 EMEVÉ

OURENSE 0 - 3 KORBIS

RIBEIRA SACRA 2 - 3 OLEIROS

Infantil

9 de 9. Esas son as vitorias que o Emevé sumó esta fin de semana para seguir invicto como líder da clasificación. Foron contundentes as de Lugo, que gañaron con marcadores avultados.

O Korbis, que tamén se levou a vitoria pola máxima diferenza ante o Liceo (segundo), se mantén na terceira praza malia superalo na cancha. Un punto é o que marca a posición.

TEIS 0 - 3 EMEVÉ

LICEO 0 - 3 KORBIS

Alevín

Vitorias claras para Emevé e Ribeira Sacra na dobre xornada da fin de semana mentres que o Korbis gañou un e perdeu o outro forzando nas dúas ocasións o terceiro set. Na clasificación os tres manteñen posicións co Korbis terceiro, o mellor situado dos tres.