O Korbis levouse o derbi monfortino nas categorías xuvenil e cadete e o Ribeira Sacra na alevín

Consulta as clasificacións aquí

Júnior

 O equipo júnior do Emevé cae do liderado trala vitoria do Teis desta fin de semana debido a que o equipo lugués descansou. Ambos os dous están empatados no alto da táboa en número de partidos xogados estando os dous invictos. A próxima fin de semana loitarán entre eles para ver quen se queda a cabeza da lista.

Xuvenil

O Korbis, unha semana máis líder, fíxose co derbi monfortino da categoría xuvenil por 3-1 co que colleita a totalidade de puntos. Malia o resultado, foi o Ribeira Sacra o que se levou o primeiro set, pero as celestes foron de menos a máis sendo contundentes nos dous últimos xogos.

O Emevé, que se mantén na segunda praza, tamén foi claro co Ourense, ao que venceu por 3-0.

EMEVÉ 3 - 0 OURENSE

KORBIS 3 - 1 RIBEIRA SACRA

Cadete

As cadetes da provincia copiaron os resultados das xuvenís. O Korbis, que segue segundo, fíxose co derbi monfortino por 3-1 co Ribeira Sacra, aínda que neste caso foi o segundo xogo o que quedou en poder das ribeirás.

O Emevé, pola súa conta, foi contundente ante o Ourense e mantén o seu posto de liderado.   

EMEVÉ 3 - 0 OURENSE

KORBIS 3 - 1 RIBEIRA SACRA

Infantil

O Emevé infantil arrebatou o liderado do grupo ao Liceo, ao que venceu por 3-2 e malia que cedeu un punto, xa é o novo cabeza de lista por tan só un punto e manténdose aínda invicto tras oito xornadas. As lugueses tiveron un complicado partido no que houbo moita alternancia con marcadores parellos.

O Korbis retomou o curso cunha nova vitoria, o que lle permite seguir na terceira praza. Foi claro co Boiro pero pasou apuros.

EMEVÉ 3 - 2 LICEO

KORBIS 3 - 0 BOIRO

Alevín

Na categoría alevín foi o Ribeira Sacra o que se levou a vitoria ante o Korbis malia que cedeu yun set mentres que o Emevé caeu co Liceo por partida dobre malia tamén facerse cun xogo.