O Emevé faise con tres vitorias nos catro duelos provinciais co Ribeira Sacra

Consulta as clasificacións aquí

Júnior

 Nova xornada sen xogar do Emevé, que se prolongará ata depois de Nadal. O equipo de Lugo segue no máis alto da táboa, invicto, e seguido do Teis, tamén sen derrotas pero cun partido menos.

Xuvenil

O Emevé recuperou a prata esta fin de semana tras vencer ao Ribeira Sacra na Pinguela. O conxunto lugués mostrou superioridade na cancha e gañou os tres sets cun marcador cómodo.

Arriba de todo segue a estar o Korbis, que gañou esta fin de semana de novo ao Coruña e segue invicto.

CORUÑA 0 - 3 KORBIS

RIBEIRA SACRA 0 - 3 EMEVÉ 

Cadete

O Emevé tamén se fixo co derbi da categoría cadete co Ribeira Sacra, aínda que tivo que deixar ir un set. As de Lugo seguen liderando a táboa cunha importante vantaxe sobre o seu inmediato perseguidor, o Korbis.

O conxunto albiceleste tamén venceu ao Coruña con rotundidade e conserva a segunda praza da xeral, catro puntos por baixo das luguesas. O Ribeira sacra, segue na parte fonda da táboa.   

CORUÑA 0 - 3 KORBIS

RIBEIRA SACRA 1 - 3 EMEVÉ 

Infantil

Vitoria tamén do conxunto infantil do Emevé, que se mantén con cifras récord, xa que en sete partidos, non perdeu ningún e só cedeu un set. Ocupa o liderado o Liceo, que tampouco perdeu nunca e que ademais non ten ningún xogo en contra. Vitoria clara do Emevé esta fin de semana para asentar a praza.

O Korbis tamén sumou vitorias pero lle costou vencer nos dous primeiros sets, malia que o terceiro foi un paseo. Seguen na terceira posición da táboa.

CORUÑA 0 - 3 KORBIS

BOIRO 0 - 3 EMEVÉ 

Alevín

Reparto de puntos no dobre derbi entre Ribeira Sacra e Emevé, que se saldou na Pinguela co mesmo resultado, 1-2 pero con intercambio de gañadores. 

O Korbis, pola súa conta, caeu derrotado por partida dobre ante o líder pero mantén a segunda praza da clasificación.