As xuvenís seguen copando as primeiras posicións da táboa con novos triunfos

Consulta as clasificacións aquí

Júnior

O equipo feminino do Emevé segue sumando vitorias, esta fin de semana ante o Oleiros a domicilio e malia que cedeu un set, o primeiro, refíxose para levarse a vitoria e a totalidade dos puntos.

OLEIROS 1 - 3 EMEVÉ

Xuvenil

Os tres equipos da provincia lideran a táboa xuvenil con comodidade tras senllos triunfos esta fin de semana. O Korbis, que lidera invicto, apurou o marcador set a set na Pinguela contra o Bruxas pero non deixou ir ningún set. As súas veciñas do Ribeira Sacra, segundas de grupo, tamén foron vencedores pero con moita máis comodidade.

Tamén con decisión venceu o Emevé ao Oleiros a domicilio. O conxunto lugués ocupa a terceira praza trala derrota da pasada semana ante o líder no derbi provincial.

KORBIS 3 - 0 BRUXAS

OLEIROS 0 - 3 EMEVÉ

RIBEIRA SACRA 3 - 0 DOMPAVOLEI

Cadete

Triple vitoria para os conxuntos da provincia de novo. O Emevé segue imparable e foi superior en todo o partido, asentado no liderado invicto. Tamén o Korbis venceu, como terceiro de grupo trala derrota da pasada fin de semana co equipo de Lugo. Nesta ocasión deixou ir un punto porque tivo que forzarse o partido ata o quinto set.

O Ribeira Sacra sobe posicións na táboa para poñerse sexto tras vencer ao Cambados na Pinguela. Segunda vitoria do curso para as monfortinas.  

RIANXO 2 - 3 KORBIS

OLEIROS 0 - 3 EMEVÉ

RIBEIRA SACRA 3 - 0 CAMBADOS

Infantil

O Emevé segue na procura do liderado absoluto, que agora comparte co Liceo. Volveu vencer esta fin de semana ante o Oleiros pola máxima diferenza aínda que con marcadores axustados.

Derrota pola contra do Korbis, que se recuperou do primeiro set pero o local foi superior e se levou os tres puntos. Cae á cuarta posición con esta segunda derrota tralo derbi da pasada semana e iso que empezou a liga con tres vitorias consecutivas. 

RIANXO 3 - 1 KORBIS

OLEIROS 0 - 3 EMEVÉ

Alevín

Primeira derrota do Korbis no dobrete desta fin de semana, na que cravou o resultado e malia ganar un set en cada un, non sumou. Queda na segunda praza. O Emevé si venceu por partida dobre e sobe ao sexto lugar, ao contrario que o Ribeira Sacra, que malia que gañou queda na quinta.