Lugo estará presente en todas as finais da Copa Federación

Esta xornada resolvéronse tódalas semifinais da Copa Federación e Lugo terá representación nas finais das cinco categorías. O Torneo Apertura chegou ao seu fin con boas noticias para o Korbis, que na cadete se mantén en primeira e co seu conxunto B da xuvenil asegurou a praza na Segunda.

Consulta as clasificacións aquí

Júnior

O Emevé afirmou o seu pase á final da Copa Federación tras vencer no partido de volta ao Dompa. As lucenses leváronse na casa unha vitoria por 3-0 sendo moi superiores en tódolos sets. Enfrontaranse contra o Xuvenil Teis na final.

EMEVÉ 3 - 0 DOMPAVOLEI

Xuvenil

En canto á Copa Federación da xuvenil, terá final lucense entre o Emevé e o Korbis. Os dous conxuntos da provincia superaron o encontro de volta das semifinais a domicilio cun 0-3 no marcador. 

CV PONTEVEDRA 0 - 3 EMEVÉ

CALASANCIAS 0 - 3 KORBIS

Pasando a falar do Torneo Apertura xuvenil, rematou co Korbis B adxudicouse unha praza na Segunda despois de vencer ao San Ciprián nos dous partidos da derradeira eliminatoria. As de Monforte venceron os dous choques por 3-0 na Pinguela, contra un conxunto mariñao recentemente incorporado que comezará a súa andaina no voleibol na Terceira. 

KORBIS B 3 - 0 SAN CIPRIÁN

SAN CIPRIÁN 0 - 3 KORBIS B

Cadete

O derbi lucense na semifinal da Copa cadete resolveuse a favor do Emevé, que se levou tanto o partido de volta como de ida contra o Ribeira Sacra. As da capital provincial conquistaron ámbolos encontros por tres sets a favor e terán que enfrontarse na final contra o Calasancias. O Ribeira Sacra loitará polo terceiro posto contra o Voley Ourense.
 

En canto ao Torneo Apertura, o Korbis conseguiu manter a praza na Primeira despois de vencer de novo ao Zalaeta. As monfortinas, remataron a fase clasificatoria con comodidade, superando 0-3 ao conxunto da Coruña. Na parte dos que xa quedaran eliminados, o Emevé San Lorenzo conseguiu clasificarse en Segunda, posto que se lle deron por gañado os dous partidos contra o Dumbría.  

ZALAETA 0 - 3 KORBIS

Infantil

Na categoría Infantil o Korbis quedou tamén clasificado para a final da Copa. As lucenses superaron por segunda vez ao Xuvenil Teis. Nesta ocasión foi na Pinguela e co mesma diferencia que no duelo de ida (3-0). Teran que pelexar polo primeiro posto do podio contra o Oleiros, que gañou dous apertados encontros contra o Calasancias.

KORBIS 3 - 0 XUVENIL TEIS

Alevín

Na Copa alevín, o Emevé loitará por levarse a final contra o Ourense. O equilo lucense confirmou o seu pase tras vencer o segundo partido das semifinais contra o Calasancias por 2-1.

EMEVÉ 2 - 1 CALASANCIAS