Esta fin de semana arrincou na feminina o novo formato de competición proposto pola Federación Galega de Voleibol. Mediante os Torneos Apertura, disputados en outubro en tódalas categorías, definiranse por clasificación os equipos que xogarán esta tempada en Primeira, Segunda ou Terceira división.
Só se manteñen seis prazas de Primeira para os seis equipos mellor colocados o curso pasado, os cales participan na Copa Federación. Quedan por definir catro prazas de Primeira, dez prazas para Segunda e, o resto, competirá en Terceira, xunto cos equipos que directamente se apuntaron a esa categoría.
Júnior
A Copa Federación da categoría júnior conta coa participación do Emevé, pero o equipo lucense comezou o campionato descansando.
COPA FEDERACIÓN - JÚNIOR FEMININA |
---|
Dompavolei | 3-1 | CV Pontevedra |
CV Oleiros | A | Voleibol Bruxas |
Emevé | D | Xuvenil Teis |
Xuvenil
Na xuvenil, saltaron á pista o Ribeira Sacra e o Korbis con resultados dispares, mentres que o Emevé tamén descansou. As primeiras caeron contra o Pontevedra na Pinguela cun resultado de 1-3, tras vencer o primeiro set e caer no segundo por só dous puntos, fóiselles escapando o partido. En canto ao Korbis, sentenciou cun 0-3 o encontro contra o Aceites Abril; despois dun primeiro set fulminante (12-25) as locais apertaron, pero non se lles escapou a vitoria.
RIBEIRA SACRA 1 - 3 CVP
Cancha: A Pinguela.
ACEITES ABRIL 0 - 3 KORBIS
Cancha: O Pompeo.
COPA FEDERACIÓN - XUVENIL FEMININA |
---|
Ribeira Sacra | 1-3 | CV Pontevedra |
Aceites Abril Voley Ourense | 0-3 | Korbis |
Arenal Emevé | D | Calasancias |
O Torneo Apertura xuvenil conta con dous equipos lucenses. Ao Korbis B tocoulle descansar esta fin de semana, mentres que ao San Ciprián tocáballe enfrontarse contra o Vigo Voleibol B. As viguesas non se presentaron aos seus encontros, polo que lle deron a vitoria ao conxunto lucense.
TORNEO APERTURA - XUVENIL FEMININA |
---|
Voleibol Dumbría | 3-0 | Voley Ribeira |
Voley Ribeira | 0-3 | Voleibol Dumbría |
Xiria Hierros | 0-3 | Cervantes Xiria |
Cervantes Xiria | 3-0 | Xiria Hierros |
Voleibol Santiago | 0-3 | Coruña B |
Coruña B | 3-0 | Voleibol Santiago |
San Ciprián | 3-0 | Vigo Voleibol B |
Vigo Voleibol B | 0-3 | San Ciprián |
Vigo Voleibol | D | Narón Volea B |
Maniotas | D | Korbis |
Cadete
En canto á categoría cadete, os equipos de Lugo atópanse entre as filas da Copa Federación. Ao Ribeira Sacra tocoulle enfrontarse contra o Pontevedra tamén nesta categoría, pero neste caso foron as lucenses quen se levaron a vitoria por 3-1, despois de remontar o primeiro set perdido. No caso do Emevé, tampouco saíu á pista aínda.
RIBEIRA SACRA 3 - 1 CVP
Cancha: A Pinguela.
COPA FEDERACIÓN - CADETE FEMININA |
---|
Oleiros | 3-1 | Aceites Abril Voley Ourense |
Ribeira Sacra | 3-1 | CV Pontevedra |
Emevé | D | Calasancias |
Infantil
Pasando a falar da infantil, o Korbis disputa a Copa Federación, pero descansou no primeiro cruce.
COPA FEDERACIÓN - INFANTIL FEMININA |
---|
Xuvenil Teis | 3-0 | Boiro Voleibol |
Oleiros | 3-1 | Voleibol Rianxo |
Korbis | D | Calasancias |
Alevín
Pola parte dos equipos da Copa Federación alevín, o Emevé descansou e Ribeira Sacra caeu contra o Pontevedra por 0-2, malia competir moi ben o primeiro set. No Torneo Apertura está o Korbis, que aínda non comezou a competición.
RIBEIRA SACRA 0 - 2 CVP
Cancha: A Pinguela.
COPA FEDERACIÓN - ALEVÍN FEMININA |
---|
Liceo | 1-2 | Voleibol Rianxo |
Ribeira Sacra | 0-2 | CV Pontevedra |
Emevé | D | Calasancias |