Dobrete de vitorias para os tres equipos da provincia na categoría alevín

Consulta as clasificacións aquí

Júnior

O liderado o Emevé non presenta perigo tras a novena vitoria consecutiva do equipo a falta de catro xornadas, nas que só xogará unha máis, a última, polo que terá tres sesións de descanso. Superioridade clara e manifesta do equipo xuvenil de Lugo ante o Oleiros.

EMEVÉ 3 - 0 OLEIROS

Próxima xornada

Xuvenil

Escorregada por partida dobre do Emevé e o Korbis, que perderon senllos partidos esta fin de semana. As luguesas caeron contra o Oleiros e as monfortinas co Bruxas. O resultado non ten efecto sobre a táboa aínda, xa que seguen primeiro e segundo. O Emevé sumou un punto ao chegar ao quinto set.

Quen si gañou foi o Ribeira Sacra, terceiro na xeral, que suma só dous puntos porque tamén forzou o quinto set que obriga a reparto de puntos.

EMEVÉ 2 - 3 OLEIROS

BRUXAS 3 - 0 KORBIS

DOMPAVOLEI 2 - 3 RIBEIRA SACRA

Cadete

Vitoria do Emevé, que lle permite manter a primeira praza da clasificación tras un duelo apertado nos tres xogos que lle fixeron falta para desfacerse do Oleiros.

Non tivo a mesma sorte o Korbis, que caeu na Pinguela ante o Rianxo e que o envía á terceira praza da táboa.

O Ribeira Sacra suma a segunda vitoria consecutiva ante o pechacancelas e sobe dúas posicións na clasificación, aínda que segue na parte baixa, xa que é sétimo.

EMEVÉ 3 - 0 OLEIROS

KORBIS 0 - 3 RIANXO

CAMBADOS 0 - 3 RIBEIRA SACRA

Infantil

Tras 12 vitorias de inicio de Liga, o Emevé caeu derrotado por segunda vez consecutiva. Nesta ocasión ante o Oleiros, ante o que foi claramente inferior. Malia o resultado negativo mantén o liderado por un único punto de diferenza.

O Korbis venceu ao Rianxo polo que as súas aspiracións ao liderado son claras co líder a un punto agora.

EMEVÉ 0 - 3 OLEIROS

KORBIS 3 - 0 RIANXO

Alevín

Os tres alevíns da provincia remataron a sesión con vitoria, cada un deles por partida dobre xa que xogaron dous partidos.