Un home resultou ferido de carácter grave no municipio ourensán de Sarreaus tras lesionarse cunha máquina de cortar leña que estaba a manexar.
Segundo informou o CAE 112-Galicia, o suceso ocorreu pasadas as 18,30 horas no lugar de Cortegada, cando a vítima cortaba leña nunha leira da súa propiedade.
Até a zona desprazáronse efectivos dos Bombeiros de Xinzo e o helicóptero medicalizado o 061 con base en Ourense, que trasladou ao home, con feridas de gravidade nunha man, até o hospital.
