Queremos Galego desvencellouse da queima dunha bandeira española na manifestación masiva que acolleu Santiago de Compostela en protesta polo decreto do galego. O seu portavoz, Fran Rei, calificou o feito de "illado e anecdótico" e asegurou que a plataforma e as entidades que a compoñen non tiveron nada que ver con el.
"Foron dous rapaces ao final do acto", asegurou Rei, quen recordou que a marcha se moveu dentro dun "ambiente festivo e pacífico". Ademáis, o portavoz do colectivo non dubidou en criticar a actitude do PPdeG, ao que acusa de enviar a fotografía da queima da bandeira aos medios ante "a falta de argumentos e o pánico que lles suscitou ver unha manifestación como a de onte".
No día despois da protesta que xuntou a colectivos independentistas como Agir con membros do PSdeG, Queremos Galego recalcou que a valoración é "enormemente positiva", tendo en conta que se acadou unha "afluencia masiva nun día laboral. Ademáis moita xente quixo vir e nun puido", puntualizou Rei.
O Goberno, en "situación controvertida"
Para a plataforma cívica a resposta da comunidade educativa deixa nunha "situación controvertida" ao Executivo galego, que, en verbas de Fran Rei, fica "illado socialmente". Ao respecto, Queremos Galego asegura que o 90% dos docentes e alumnos convocados á folga -non o estaban os pertencentes a centros privados e concertados- acoderon á mesma, fronte ao 47,7% no que a Consellaría de Educación cifrou o seguimento do paro.
Así, según os datos facilitados polo gabinete que dirixe Jesús Vázquez Abad, en Pontevedra un 51% dos profesores non se presentaron no seu posto de traballo, cifras similares ás de A Coruña e Ourense. Na provincia de Lugo, o seguimento da folga foi menor, próximo ao 35%.
Por último, o portavoz de Queremos Galego afirmou que, unha vez rematada a rolda de consultas da Xunta e cando a Educación se posicione ao respecto, anunciarán as novas accións que acometerán desde a plataforma para protestar contra "este decretazo contra o galego" promovido polo Goberno de Alberto Núñez Feijóo.