A presidencia do despacho de billetes dispútase entre dous filmes: John Carter, unha aventura Marte, e Los idus de marzo, onde George Clooney loita por chegar ao Goberno dos EE UU, nunha fin de semana onde tamén destacan Esto es la guerra e a española De tu ventana a la mía.
O director Andrew Stanton cambia o cine de animación pola acción real en tres dimensións co filme John Carter, que conta con Taylor Kitsch como protagonista. Willem Dafoe, Samantha Morton Mark Strong tamén participan nesta aventura épica no devastado planeta Marte, un mundo habitado por tribos guerreiras e seres salvaxes, inmersos nunha misteriosa guerra onde John Carter, veterano da guerra civil americana, xogará un papel crucial.
O actor George Clooney dirixe Los idus de marzo, unha película que se ambienta na carreira pola presidencia dos EE UU, cunha repartición estelar que inclúe a Ryan Gosling, Marisa Tomei, Evan Rachel Wood, Philip Seymour Hoffman ou Paul Giamatti.
Stephen Meyers (Gosling) é un idealista comunicador, o segundo de a bordo da campaña presidencial do gobernador Mike Morris (Clooney), nun filme que cuestiona se é máis importante a carreira, a vitoria ou a verdade.
Paula Ortiz rodeouse de actrices como Maribel Verdú ou Leticia Dolera na súa ópera prima, De tu ventana a la mía, un drama romántico sobre tres mulleres procedentes de distintas épocas, cuxas historias se alternan.
Outras novidades
Dictado
Conto tráxico no que o realizador catalán Antonio Chavarrías narra como o remorso dun neno acaba esnaquizando a vida do adulto no que se converte. O saco de todos os temores
ancestrais dese home será unha nena de sete anos: a debutante Mágica Pérez.
Esto es la guerra
Dous axentes da CIA, interpretados por Tom Hardy e Chris Pine, loitarán polo amor dunha mesma muller, Reese Witherspoon, nesta comedia situada no mundo da espionaxe, e que dirixe McG.
Intocable
Dez semanas no primeiro posto do despacho de billetes francés avalan esta comedia de Eric Toledano e Olivier Nakache onde a aristocracia e os barrios baixos se entrecruzan a
través dos personaxes de François Cluzet e Omar Sy.
