O Hierros Ferreiro conseguiu meterse na final da Copa Premium masculina, mentres que o Estudiantes, na feminina, foi eliminado. Na fase de ascenso, o Burela gañou a domicilio e o Ensino caeu.
Masculina
A Copa Premium masculina celebrou esta fin de semana as semifinais e Hierros Ferreiro conseguiu meterse na final. Os lucenses enfrontáronse coma locais contra o Esclavas e fixeron un moi bo partido contra un grande rival. Os visitantes comezaron por riba no marcador, xa que contaban cun quinteto moi equilibrado. Aínda así o equipo de Lugo foi reaccionando e grazas aos contraataques acabaron o cuarto mandando no marcador. No segundo cuarto o Hierros dominou o xogo cunha grande actitude ofensiva e fóronse por riba ao descanso. Tralo paso polos vestiarios os lucenses aumentaron a intensidade e foron capaces de disparar o marcador. No derradeiro cuarto o Esclavas freou o xogo cunha defensa en zona e o cadro de Rubén Engroba apostou por posesións largas e aguantar o marcador para levarse a vitoria. Na final, enfrontaranse contra o Compañía de María, que eliminou ao Básquet Coruña cun resultado de 71-66.
HIERROS FERREIRO 72 - 59 ESCLAVAS
Esclavas: Román, Gabriel, Javier A, Javier B, Iago, Joaquín, Daniel, Juan, José, Aarón, Miguel e Lucas.
Parciais: 18-17/21-13/24-08/09-21.
Cancha: Anexo do Pazo.
2º JÚNIOR MASCULINA - PLAY OFF COPA PREMIUM |
---|
Hierros Ferreiro | 72-59 | Esclavas |
Básquet Coruña | 71-66 | Compañía de María |
Hierros Ferreiro | - | Compañía de María |
Feminina
FASE DE ASCENSO
Na fase de ascenso feminina, o Burela segue invicto e esta xornada superou ao Peleteiro. As lucenses xogaron un bo partido con intensidade e boa circulación do balón. No segundo cuarto a lesión de Henar resentiu ao equipo e ademais as rivais impuxeron unha zona complicada. No último cuarto as laranxas recuperaron a Henar e apareceu Sara Pereira que anotou tres triplas e en dúas entradas para pechar o partido cun resultado de 44-56.
O Ensino Lugo caeu derrotado contra o Baxi Ferrol por 64-42. As lucenses competiron moi ben na primeira metade, xogando ben sen balón e anotando con fluidez, ademais de poñer en apuros ás rivais a través da defensa. No terceiro cuarto as locais elevaron moito o nivel físico e castigaron ás de Lugo con contraataques. Ao final, a fatiga pesou no banco do Ensino e varias perdas e despistes fixeron que a derrota fora máis avultada do que merecían.
BAXI FERROL 64 - 42 ENSINO LUGO
Ensino Lugo: Emma, María, Carla, Idaira, Aroa, Alicia e Juliet.
Parciais: 13-15/15-10/21-07/15-10.
Cancha: Esteiro.
PELETEIRO 44 - 56 BURELA
Burela: Sara, Henar, Sara P, Aroa, Candela, Lucía, Cecilia e Paula.
Parciais: 08-20/10-14/17-07/09-15.
Cancha: Montouto.
2º JÚNIOR FEMININA - FASE DE ASCENSO A |
---|
Baxi Ferrol | 64-42 | Ensino Lugo |
Peleteiro | 44-56 | Burela |
Burela | - | Ensino Lugo |
Peleteiro | - | Baxi Ferrol |
PLAY OFF COPA PREMIUM
O Estudiantes despediuse da Copa Premium despois de caer de novo contra o Culleredo. As celestes disputaron o duelo de volta das semifinais e caeron por 59-43. Aínda que non estiveron preto da remontada, pois na ida caeron por 39-54, fixeron un bo partido e remataron a competición cun bo sabor de boca. O Estudiantes estivo intenso en defensa, controlando o rebote e movendo o balón. No último cuarto baixaron un pouco o nivel fisicamente, o que fixo que perderan balóns e o Culleredo encontrara cestas fáciles.
CULLEREDO 59 - 43 ESTUDIANTES
Estudiantes Lugo: Leyre, Pilar, Carmen, Naiara, Cristina, Carolina, Maria, Daniela, María e Daniela G.
Parciais: 14-09/15-13/12-13/18-08.
Cancha: Sofía Casanova.
2º JÚNIOR FEMININA - PLAY OFF COPA PREMIUM |
---|
Estudiantes | 39-54 | Culleredo |
Básquet Coruña | 73-58 | Montrove |
Culleredo | 59-43 | Estudiantes |
Montrove | 78-73 | Básquet Coruña |
Culleredo | - | Básquet Coruña |