Seis puntos para os equipos lucenses da Segunda feminina

Boa fin de semana para a categoría feminina, que acapara o protagonismo ata o inicio da segunda fase masculina.

Consulta as clasificacións aquí

2º FASE

Soamente os equipos lucenses da feminina saíron á pista esta fin de semana, xa que os da masculina esperan o comezo da segunda fase. A falta de dúas xornadas para elas, o Burela mantense no segundo posto da clasificación na loita polo Campionato. Esta semana, as laranxas gañaron ao Artai na casa por 68-35 nun partido cómodo. A boa circulación do balón e o acerto exterior foron claves para conseguir as primeiras vantaxes. Ademais, controlaron o rebote e puideron facer boas transicións.

Ao Ensino Lugo se lle escapou por pouco o duelo contra o Montrove. Nun partido moi igualado, o Ensino conseguiu irse ao descanso un punto por diante. Malia isto, as locais fixeron un parcial de 25-11 tralo descanso, que lle puxo complicadas as cousas ás ensinistas. Nos últimos minutos o Ensino intentou remontar con tódalas súas forzas, pero quedou a dous puntos das rivais.

BURELA 68 - 35 ARTAI

MONTROVE 57 - 55 ENSINO LUGO

COPA PREMIUM

Na Copa Premium o Estudiantes mantense invicto a falta de tan só unha xornada. Esta semana as lucenses superaron ao Los Rosales nun dos mellores partidos da temporada. Dende o segundo cuarto comezaron a romper o partido a través do xogo en equipo e a defensa. Despois do descanso controlaron o choque facendo un moi bo baloncesto e gozando na pista para rematar cun resultado de 82-37. 

No caso do Cidade de Lugo, superou por 67-63 ao Betanzos esta xornada. As lucenses, que van quintas, asinaron a vitoria número oito nun partido moi igualado que se resolveu na prórroga. O duelo comezou mellor para o equipo visitante, pero o Cidade apertou na segunda metade e un parcial de 21-14 no cuarto período empatou o partido. Na prórroga souberon facerse co poder ata conseguir os dous puntos.

CIDADE DE LUGO 67 - 63 BETANZOS

ESTUDIANTES 82 - 37 LOS ROSALES