A masculina volve á pista tralo parón con vitorias locais do Estudiantes, o Ribadeo e o Hierros Ferreiro. Na feminina, venceron os equipos da Copa Premium, mentres que na loita polo ascenso gañou o Burela.
Masculina
A masculina xa tiña decidida a primeira praza da clasificación para o Hierros e tralos resultados desta semana o Ría de Ribadeo quedase co segundo posto. Os da Mariña venceron ao Cidade de Lugo facendo un grande partido ofensivo. A primeira metade foi demoledora, xa que anotaron máis de 50 puntos e non deixaron anotar máis de nove puntos ao Cidade no segundo cuarto. Ademais da vitoria foi clave a derrota do Sarria contra o Estudiantes. Os amarelos sufriron a lesión do seu capitán no inicio e un segundo parcial de 18-08 por parte dos celestes, púxolles o duelo costa arriba. No segundo tempo melloraron a porcentaxe de acerto, pero seguiron cun nivel máis baixo do que están acostumados e malia que loitaron ata o final non puideron facer máis que quedar a menos de dez puntos no marcador.
O Hierros Ferreiro gañoulle ao Costa Ártabra nun partido bastante irregular. Os lucenses comezaron moi ben o partido, serios en defensa e anotando con moito ritmo. Ao principio do segundo cuarto chegaron a ter 16 puntos de vantaxe, pero as rotacións cambiaron o rumbo do partido e os de Ferrol fixeron un parcial de 19-0 que obrigou ao Hierros a reconstruír o partido. Volveron controlar o marcador e no terceiro período, co quinteto inicial, dominaron de novo. Con 20 puntos de distancia no marcador pensaron que tiñan o partido resolto, pero o Costa Ártabra fixo un grande parcial e obrigou de novo aos lucenses a traballar para levarse o triunfo.
ESTUDIANTES 63 - 56 SARRIA
CB Sarria: Slatel, Xavier, Martín, Sergio, Xabelo, Christian, Anón, Izam, Urko e Uxío.
Parciais: 14-12/18-08/16-18/15-18.
Cancha: Anexo do Pazo.
HIERROS FERREIRO 73 - 66 COSTA ÁRTABRA
Costa Ártabra: Paulo, Yago, Miguel, David, Lucas, Antón, Adrián, Santiago, Álvaro e Sergio.
Parciais: 28-11/13-25/18-05/14-25.
Cancha: Pabellón Grande de Ribadeo.
RÍA DE RIBADEO 84 - 54 CIDADE DE LUGO
Cidade de Lugo: Tomás, Miguel, Diego, Rodrigo, Iago, Miguel P, Miguel C, Santiago, Manuel, Adrián, Ignacio e Braian.
Parciais: 26-14/27-09/18-11/18-20.
Cancha: Pavillón Grande de Ribadeo.
2ª JÚNIOR MASCULINA - GRUPO C |
---|
Basket Ferrol | 75-78 | Narón Naranja |
Estudiantes | 63-56 | Sarria |
Ría de Ribadeo | 84-54 | Cidade de Lugo |
Hierros Ferreiro | 73-66 | Costa Ártabra |
Narón Naranja | - | Hierros Ferreiro |
Costa Ártabra | - | Ría de Ribadeo |
Cidade de Lugo | - | Estudiantes |
Sarria | - | Basket Ferrol |
Feminina
Na feminina o Burela conseguiu levarse os dous puntos á Mariña ao vencer ao Básquet Coruña en Riazor. As laranxas saíron un pouco durmidas ao primeiro cuarto e perderon por catro puntos o parcial. No segundo melloraron e recuperaron o marcador para irse ao descanso por riba. Seguindo na liña ascendente tralo intermedio, corrixiron errores e anotaron un parcial de 0-15 que rompeu o partido. O Ensino, pola súa parte, non conseguiu vencer ao Baxi Ferrol. As lucenses xogaron en Lugo e non saíron demasiado ben ao partido, recortaron distancias antes do descanso pero as visitantes controlaron o marcador ata o final.
Na Copa Premium, o Estudiantes gañou ao Betanzos a domicilio. As celestes fixeron un partido serio dende o principio, aínda que fallaron varias controlaron ben o rebote e no primeiro tempo conseguiron as primeiras vantaxes. Na segunda metade as locais tiveron máis dificultades ante a defensa das lucenses e comezaron a decantar o partido ata levarse o marcador por 40-73. O Cidade de Lugo conseguiu tamén a vitoria esta xornada, no seu caso, por tan só un punto de diferencia contra o Pontumio. As de Pontedeume conseguiron irse ao descanso por diante, pero trala visita aos vestiarios o Cidade impuxo un parcial de 04-14 que deixou o partido por resolver no último cuarto. Así foi que nos últimos minutos as lucenses déronlle a volta ao marcador e venceron por 50-51.
BÁSQUET CORUÑA 33 - 55 BURELA
Burela: Carla, Sara, Henar, Sara P, Aroa, Lucía, Cecilia e Paula.
Parciais: 14-10/12-19/00-15/07-11.
Cancha: Riazor.
ENSINO 50 - 56 BAXI FERROL
Baxi Ferrol: Cloe, María, Irene, Lucía, María, Carla, Lucía D e Celia.
Parciais: 16-19/11-07/10-11/13-19.
Cancha: Seminario Menor.
PONTUMIO 50 - 51 CIDADE DE LUGO
Cidade de Lugo: Laura, Demekech, Sabela, Ana Cristina, Sanna, Lefnun, Nuria, Ángela F e Ángela A.
Parciais: 21-14/14-12/04-14/11-11.
Cancha: A Casqueira.
BETANZOS 40 - 73 ESTUDIANTES
Estudiantes Lugo: Leyre, Pilar, Carmen, Naiara, Cristina, Carolina, María, Daniela, María A e Daniela G.
Parciais: 15-22/08-12/12-16/05-23.
Cancha: Pavillón Vales Villamarín.
2ª JÚNIOR FEMININA - 2ª FASE |
---|
Ensino Lugo | 50-56 | Baxi Ferrol |
Artai | 57-54 | Montrove |
Tirso de Molina | 40-53 | Culleredo |
Básquet Coruña | 33-55 | Burela |
Básquet Coruña | - | Ensino Lugo |
Burela | - | Tirso de Molina |
Culleredo | - | Artai |
Montrove | - | Baxi Ferrol |
2ª JÚNIOR FEMININA - COPA PREMIUM |
---|
Pontumio | 50-51 | Cidade de Lugo |
Arteixo | 34-36 | Esclavas |
Betanzos | 40-73 | Estudiantes |
Los Rosales | 76-47 | Obradoiro |
Los Rosales | - | Pontumio |
Betanzos | - | Arteixo |
Esclavas | - | Cidade de Lugo |
Estudiantes | - | Obradoiro |