O Estudiantes lévase o derbi da masculina contra o Ribadeo por sete puntos

O Estudiantes levouse o único enfrontamento entre lucenses da competición zonal masculina contra o Ribadeo. Na feminina, o Burela foi derrotado por primeira vez nesta segunda fase.  

Consulta as clasificacións aquí

Masculina

O Estudiantes conseguiu esta fin de semana a quinta vitoria do curso sobre o Ría de Ribadeo, o segundo clasificado. Nun partido moi trabado, onde os da Mariña notaron a falta de Pedro o Estudiantes fíxose coas primeiras vantaxes. Aínda que o Ribadeo reaccionou ao final, unha tripla nos derradeiros intres asegurou o triunfo para os celestes. 

O Hierros Ferreiro segue liderando a clasificación con agora dez vitorias. Esta xornada impúxose ao Basket Ferrol coma visitante despois dun primeiro cuarto máis igualado, decantou practicamente o partido antes do descanso.

O Sarria, terceiro na clasificación, levouse os dous puntos contra o Costa Ártabra no Novo Pavillón do Chanto. Leváronse a primeira metade con pouca vantaxe no marcador, pero, na segunda, aumentaron a diferenza ata o 76-50 final. O Cidade de Lugo empata a 16 puntos cos sarrianos. Os da capital lucense tamén conseguiron un triunfo esta quenda, ao impoñerse por 74-54 ao Narón Naranja. 

SARRIA 76 - 50 COSTA ÁRTABRA

BASKET FERROL 60 - 86 HIERROS FERREIRO

ESTUDIANTES 58 - 51 RÍA DE RIBADEO

Feminina

Na feminina, o Burela foi derrotado polo Baxi Ferrol. Ámbolos dous equipos lideraban a clasificación, pero as de Ferrol decantaron o primeiro posto ao seu favor cunha vitoria por 87-57. O equipo da Mariña non fixo un bo comezo, pero foron mellorando cunha boa actitude en defensa coa presión a toda a pista. No segundo cuarto, a superioridade das locais puxo o partido costa arriba ao equipo lucense. Detrás do Burela, o Ensino Lugo ocupa a terceira posición cunha vitoria máis, ao gañarlle a domicilio ao Tirso de Molina. As ensinistas deixaron case sentenciado o duelo no primeiro cuarto, onde se levaron un parcial de 08-20. 

Na Copa Premium, tanto o Cidade de Lugo como o Estudiantes se levaron a vitoria. As celestes enfrontáronse coma visitantes contra o Pontumio, un equipo dun nivel máis baixo que elas. Malia a diferenza de forzas ao Estudiantes custoulle acadar o seu mellor xogo, pero amosouno na segunda metade. Pola parte do Cidade, fixo unha grande saía á pista no duelo contra o Obradoiro, decantando ao seu favor un enfrontamento que dominou en todo momento.

TIRSO DE MOLINA 19 - 51 ENSINO LUGO

BAXI FERROL 87 - 57 BURELA

CIDADE DE LUGO 82 - 31 OBRADOIRO

PONTUMIO 38 - 59 ESTUDIANTES