O Hierros Ferreiro e o Sarria superan os derbis contra o Estudiantes e o Cidade de Lugo

O Hierros Ferreiro segue na cabeza da Segunda júnior masculina e tras superar coma local ao Estudiantes acumula nove vitorias. O Ribadeo superou ao Narón Naranja, mentres que o Sarria venceu o outro derbi lucense. Na feminina, o Burela, o Ensino Lugo e o Estudiantes sumaron dous puntos máis na segunda fase. 

(Artigo en ampliación)

Consulta as clasificacións aquí

Masculina

O Hierros Ferreiro segue achegándose ao obxectivo cun triunfo máis esta tempada. Os lucenses venceron ao Estudiantes nun partido menos competido do previso. No primeiro cuarto, o Hierros decantou xa o partido ao seu favor e acabou matando tralo descanso. Os celestes baixaron o ritmo anotador dos rivais con defensas zonais, pero non puideron facer máis.

Dende o segundo posto da lista, o Ría de Ribadeo gañoulle a domicilio ao Narón Naranja. Os mariñaos fixeron un moi bo partido no que tódolos xogadores anotaron punto, destacando os 28 de Dani e os 22 de Pedro.

No outro choque lucense, o do Cidade de Lugo contra o Sarria, os amarelos conseguiron os dous puntos. O conxunto sarriao conseguiu xa unha boa vantaxe na primeira parte e, aínda que a segunda parte foi máis igualada, controlaron a diferenza no marcador ata o final.

NARÓN NARANJA 48 - 78 RÍA DE RIBADEO

HIERROS FERREIRO 73 - 49 ESTUDIANTES LUGO

CIDADE DE LUGO 58 - 71 SARRIA

Feminina

Sexto triunfo para o Burela na segunda fase da feminina, que o mantén empatando a puntos co Baxi Ferrol nos primeiros postos. As laranxas gañaron a domicilio ao Artai nun choque máis difícil do que di a diferencia final no marcador. Por momentos defenderon ben, pero en outras permitiron penetracións das rivais e non axustaron o balance. Despois de mellorar esos erros marcaron distancia no marcador ata o 47-71 definitivo.

O Ensino Lugo está dando pasos adiante nesta etapa da competición e esta xornada superou ao Montrove. As lucenses empezaron o partido mandando a través de un grande parcial, pero o equipo rival achegouse no segundo cuarto. Aínda así, o Ensino aguantou o tipo e seguiu aumentando a vantaxe para levarse o triunfo.

Na Copa Premium, o Estudiantes conseguiu o triunfo sobre o Los Rosales. Na primeira metade do partido non foron quen de controlar o rebote, pero os erros das locais permítenlles irse por riba ao descanso. Tralo paso polos vestiarios as celestes comezan a apertar arriba en defensa e romperon o partido. No caso do Cidade de Lugo, se lles escapou por pouco o partido contra o Santo Domingo Betanzos. As lucenses saíron derrotadas por unha diferenza de tan só seis puntos.

ENSINO LUGO 73 - 42 MONTROVE

ARTAI 47 - 71 BURELA

LOS ROSALES 37 - 88 ESTUDIANTES