Comezo da segunda fase feminina e xornada con vitoria para o Ribadeo e o Hierros Ferreiro

Non houbo descanso esta fin de semana para a competición zonal da júnior. Na masculina, recolleron vitorias o Ría de Ribadeo e o Hierros Ferreiro e, na feminina, as lucenses estrearon a segunda fase da competición con pleno de triunfos.

Consulta as clasificacións aquí

Masculina

O Hierros Ferreiro segue liderando a clasificación da competición zonal dos lucenses despois da sexta xornada do curso. Os lucenses asinaron a súa quinta vitoria contra o Costa Ártabra nun dos peores partidos ata o momento. O Hierros tiña a intención de romper o partido ao inicio, pero fallaron moito baixo o aro e tiveron problemas para parar aos xogadores rivais polo interior. No segundo cuarto aumentaron as perdas de balón e as malas defensas non lles permitiron correr en transición. Tralo intermedio foron limando as diferenzas e chegaron ao último cuarto conseguido pequenas vantaxes, pero o Costa Ártabra contestaba sempre con cestas en erros dos visitantes. Martín foi decisivo cunha tripla que propiciou que ao final acabasen levándose os dous puntos.

O outro partido da xornada foi o duelo entre o Cidade de Lugo e o Ribadeo. Os da Mariña comenzaron impoñéndose grazas á súa boa defensa e aos rápidos contraataques de Dani e Pedro que os levaron a irse ao descanso 22 puntos por riba. No resto do partido o Cidade aproveitou o baixón defensivo do Ría, que viu como se foi minguando a súa diferenza no marcador. Malia isto, o Ribadeo levouse a vitoria cun marcador de 73-78 e segue no segundo posto da clasificación.

Esta quenda tamén lles tocaba enfrontarse ao Sarria e ao Estudiantes, pero adiaron o seu partido para a vindeira fin de semana, na que aos conxuntos da categoría lles toca descansar.  

CIDADE DE LUGO 73 - 78 RÍA DE RIBADEO

COSTA ÁRTABRA 68 - 70 HIERROS FERREIRO

Feminina

Na categoría feminina esta fin de semana empezou a segunda fase da competición. O Burela e o Ensino Lugo clasificáronse no grupo alto e comenzaron os duelos no novo grupo con dúas vitorias. O Ensino Lugo rematou vencendo ao Culleredo na casa por 50-63. Foi un partido no que comenzaron con dúbidas e forense ao descanso por baixo. Porén, aumentaron o ritmo na segunda metade e conseguiron darlle a volta ao marcador e levarse os dous puntos. No caso do Burela, gañou tamén na casa contra o Montrove. As laranxas saíron á pista faltas de intensidade, pero tralo descanso viviron un partido completamente distinto, no cal roubaron balóns e anotaron con facilidade con sete triplas ás costas.

Na Copa Premium participan tanto o Cidade de Lugo coma o Estudiantes, que se estrearon tamén conseguindo os dous puntos. As celestes puxéronse á cabeza da clasificación tras vencer nun partido cómodo ao Arteixo por 78-32. Despois duns primeiros minutos nos que tiveron que corrixir a colocación, comenzaron a tomar o mando do partido cunha boa presión e defensa a media pista. O Cidade séguelle na táboa, tralo triunfo a domicilio contra Los Rosales. As lucenses fixeron unha saída ao partido espectacular na que se marcaron un parcial de 09-18, pero no segundo cuarto atascóuselle a defensa. Malia isto, controlaron o marcador en toda a segunda parte e remataron triunfando por 38-66.

ENSINO LUGO 50 - 36 CULLEREDO

BURELA 73 - 51 MONTROVE

LOS ROSALES 38 - 66 CIDADE DE LUGO

ESTUDIANTES 78 - 32 ARTEIXO