A provincial masculina comeza a conta atrás para o peche da primeira fase

A falta de tres xornadas para pechar a competición masculina, o Estudiantes continua invicto. Na feminina, enfrontáronse os dous mellores clasificados e o Cidade de Lugo levouse o triunfo.

Consulta as clasificacións aquí

Masculina

O Estudiantes segue no alto despois de conseguir a vitoria número 11 contra o Galén Ensino. Os celestes leváronse a vitoria cun marcador de 71-21 coma locais. O Sarria, que lles segue no segundo posto, tamén conseguiu unha vitoria na casa esta xornada contra o Maristas Lugo, por 50-40. O terceiro triunfo da fin de semana foi para o Cidade de Lugo, que se impuxo ao Viveiro por 69-44. O duelo entre o Celtas de Foz e o Ensino Lugo foi adiado.

Feminina

Na feminina, o Cidade de Lugo acumula 19 puntos tras gañarlle o partido ao seu rival directo o Viveiro. O duelo celebrado na capital provincial estivo moi igualado e rematou cun taboleiro de 33-31. No terceiro posto, o Franciscanos descansou esta semana, co que agora empata a puntos co Estudiantes, que superou ao María Auxiliadora por 73-32. O Celtas de Foz conseguiu o cuarto triunfo do curso ao gañar ao Ensino Lugo cun resultado de 52-28.