O Cidade de Lugo e o Viveiro gañan ao Ensino e ao Estudiantes

A provincial infantil celebrouse esta fin de semana cun par de aprazamentos. Na feminina os triunfos caeron do lado do Viveiro e o Cidade, mentres que na masculina foron para os tres equipos que xogaron fóra da casa.

Consulta as clasificacións aquí

Feminina

Na feminina, o Cidade de Lugo manda acumulando oito vitorias tralo triunfo contra o Ensino Lugo. As líderes gañaron o seu duelo desta xornada coma visitantes, cun resultado de 47-60. O outro enfrontamento da xornada citou ao Viveiro e ao Estudiantes na Mariña. As locais, segundas na clasificación, conseguiron os dous puntos cun taboleiro de 54-39.

Masculina

Na masculina, o Estudiantes lidera a clasificación con 20 puntos. Os últimos dous conseguiunos a domicilio esta xornada contra o Viveiro. Con 18 puntos o Sarria, no segundo posto, gañou coma visitante ao Galén Ensino por 35-60. A terceira vitoria da fin de semana foi a do Cidade de Lugo, que se levou o marcador fronte ao Ensino cun 47-60.