O Burela segue invicto na fase de ascenso tras superar o encontro contra o San Tirso

Esta fin de semana celebrouse a terceira xornada da fase de ascenso, ademais da estrea da Copa Premium feminina.

Consulta as clasificacións aquí

Masculina

FASE DE ASCENSO

O Burela conseguiu o domingo a terceira vitoria consecutiva na fase de ascenso, tras impoñerse ao Tirso de Molina. Os laranxas comezaron máis intensos e leváronse o primeiro parcial por 08-16, pero, no segundo cuarto, os locais os frearon e os erros na defensa lucense fixeron que o partido se igualara. Tralo paso polos vestiarios o Burela volveu impoñer o seu ritmo e ampliaron a vantaxe no terceiro período. O Tirso tentou recortar distancias no último cuarto, pero os dous puntos caeron do lado dos lucenses cun taboleiro de 56-64.

TIRSO DE MOLINA 56 - 64 BURELA

COPA PREMIUM

Na segunda xornada da Copa Premium o Estudiantes Azul e o Estudiantes Rojo adiaron polo momento o seu encontro. Quen si xogaron foron o Ensino Galén e o Cidade de Lugo, enfrontáronse nun partido moi igualado que se acabou levando o Galén por unha diferenza de só tres puntos. O Sarria gañou a domicilio ao Estudiantes Lugo noutro choque moi competido. Os amarelos conquistaron o marcador cun resultado de 45-53.

Feminina

FASE DE ASCENSO

Na categoría feminina, o Sarria leva tres derrotas na fase de ascenso. As amarelas caeron esta xornada contra o Maristas Coruña a domicilio, cun resultado de 65-32. Na primeira metade as lucenses mantiveron un bo carácter, pero despois do descanso as locais foron aumentando a vantaxe progresivamente ata levarse o triunfo.

MARISTAS CORUÑA 65 - 32 SARRIA

                                    Resultados xornada 3

COPA PREMIUM

Esta fin de semana estreouse a Copa Premium na feminina. As primeiras vitorias da nova clasificación caeron do lado do Cidade de Lugo e do Franciscanos. Os primeiros superaron ao San Lorenzo Ensino por 30-54, mentres que o Franciscanos gañou ao Viveiro tamén a domicilio, cun taboleiro de 23-52.