O Burela afianza o liderado despois de gañar ao Básquet Coruña U16 en Riazor

Masculina

FASE DE ASCENSO

O Burela asegurou o primeiro posto tras conseguiu a vitoria contra o Básquet Coruña. Os laranxas xogaron un partido moi igualado en Riazor que se acabou decidindo por detalles. O primeiro cuarto caeu do lado dos locais, pero antes do descanso o Burela igualou o marcador. Tralo paso polos vestiarios volveron a saír mellor os da Coruña, pero o equipo da Mariña conseguiu levarse o partido no derradeiro cuarto. A falta de unha xornada para rematar, o Burela xa é líder e xogará a final polo ascenso contra o primeiro clasificado do grupo sur.

BÁSQUET CORUÑA 53 - 57 BURELA

COPA PREMIUM

A Copa Premium celebrou esta fin de semana a penúltima xornada. O Sarria lidera a clasificación con oito puntos despois de superar ao Estudiantes Rojo por 55-78. No segundo posto, con sete, está o Cidade de Lugo, que gañou ao Estudiantes un competido partido por unha diferencia de só dous puntos (57-55). O Ensino Galén, cuarto clasificado, asinou a segunda vitoria ao impoñerse sobre o Estudiantes Azul a domicilio.

Feminina

FASE DE ASCENSO

Na fase de ascenso feminina o Sarria conseguiu a primeira vitoria. As amarelas xogaron a domicilio contra o Culleredo e gañáronlles por 59-70. Despois dunha primeira metade moi igualada, o equipo lucense fixo un gran terceiro cuarto no que conseguiron un parcial de 09-25. A renta permitiulles chegar tranquilas ao último cuarto e aínda que perderon ese derradeiro parcial leváronse o triunfo.

CULLEREDO 59 - 70 SARRIA

COPA PREMIUM

A Copa Premium feminina rematou esta xornada coas vitorias do Cidade de Lugo e o Viveiro. O Cidade proclamouse campión con seis puntos tras vencer ao Franciscanos e deixalo no segundo posto. O Viveiro quedou terceiro con catro puntos ao superar ao San Lorenzo Ensino.

Consulta as clasificacións aquí