O Sarria e o Cidade de Lugo leváronse o triunfo no duelo de ida das semifinais

Esta fin de semana comezaron as semifinais na cadete provincial.

Consulta a clasificación aquí

Feminina

Na categoría feminina, o Sarria e o Cidade de Lugo conseguiron o triunfo no choque de ida das semifinais. As amarelas conquistaron o marcador do Anexo do Pazo gañándolle ao San Lorenzo Ensino por 28-64. No caso do Cidade, rematáronse levando o triunfo nun partido máis igualado contra o Franciscanos (53-62).

A vindeira fin de semana o Viveiro e o Celtas de Foz celebrarán o primeiro encontro pola loita do quinto e sexto posto. Serán as viveirenses quen acollan coma locais ese encontro de ida.

Masculina

En canto á masculina, nas semifinais do grupo alto impuxéronse o Burela e o Sarria. Os laranxas gañaron ao Ensino Galén por 47-67. O Sarria superou no Novo Pavillón do Chanto ao Estudiantes nun duelo que se decidiu por detalles e no que quedaron 57-54.

No caso do grupo baixo, os partidos de ida caeron do lado do Cidade de Lugo e do Estudiantes Azul. Os primeiros foron mellores que o Estudiantes Rojo e conseguiron un taboleiro de 45-63. No caso do Azul, tan só tres puntos os distanciaron do Viveiro e déronlle a vitoria.