O Estudiantes e o Viveiro gañan na casa e o Sarria faise con tres puntos a domicilio

O Estudiantes e o Viveiro superaron ao Cidade de Lugo e ao Estudiantes Rojo na casa. No caso do Sarria conseguiu vencer ao Estudiantes Azul coma visitante. Na feminina, o Ensino, o Sarria e o Cidade de Lugo sumaron dous puntos a domicilio.

Consulta as clasificacións aquí

Masculina

O Estudiantes Lugo gañou ao Cidade de Lugo e segue no alto da clasificación. Os celestes fóronse ao descanso por diante, pero na segunda metade mataron partido cun parcial de 22-07 no terceiro período. Detrás destes, encontrase o Sarria, que sumou dous puntos máis tralo partido contra o Estudiantes Azul. Os amarelos conseguiron administrar a vantaxe da primeira metade e remataron o partido cun taboleiro de 44-64. O Viveiro levouse o duelo contra o Estudiantes Rojo na casa cun marcador de 58-45.

Feminina

Na feminina, a falta de dúas xornadas para pechar a fase, o Sarria segue na cabeza da lista, empatando a puntos co Cidade de Lugo. As amarelas leváronse o triunfo a domicilio contra o Franciscanos cun marcador de 33-42. No caso do Cidade, gañou na Mariña ao Celtas por 46-60. O San Lorenzo Ensino, cuarto clasificado, conseguiu a terceira vitoria do curso ao superar ao Viveiro.