Varios veciños da parroquia de Goián, baixo a dirección da área de medio rural do Concello de Sarria, executaron estes pasados días obras de ampliación e de mellora dos accesos e do saneamento do núcleo de Outeiro, así como a rexeneración asfáltica destas vías.
O goberno local, que define esta actuación como "exemplo e modelo a seguir", foi o encargado de aportar os materiais precisos para levar a cabo as obras e os propios veciños executáronas.
