Os veciños de Chantada xa teñen o premio Vilas en Flor, que promove a fundación Juana de Vega e que recoñece o traballo en zonas verdes, paisaxismo e xardíns dos concellos galegos.
Este municipio e o de Allariz (Ourense) recibiron a puntuación máis alta (catro flores) entre todos os presentados. A entrega de premios tivo lugar onte no auditorio municipal coa asistencia de representantes de Juana de Vega e do concello.
Agora, o equipo encargado de coidar os espazos verdes de Chantada quere traballar arreo para manter o galardón nos vindeiros anos, xa que o premio depende de revisións anuais, e chegar ás cinco flores.
