A vicevoceira nacional do BNG, Olalla Rodil, participou esta domingo en Monforte nos actos organizados para conmemorar os cen anos da cuarta asemblea nacionalista das Irmandades da Fala, que acolleu a cidade do río Cabe.
Rodil acudiu en troques da voceira nacional, Ana Pontón, que asistiu á concentración polas vítimas do pesqueiro galego afundido en Terranova.
Olalla Rodil participou nun coloquio na casa da cultura moderado pola responsable comarcal do BNG, Rosana Prieto, no que interviron militantes nacionalistas durante o franquismo.
Ao final do acto en San Vicente, que se pechou cunha actuación de Mini, houbo un recoñecemento os militantes históricos do nacionalismo na zona sur de Lugo.
