O PP de Monforte mostrou a súa indignación este xoves logo que de que o cartel de aviso de obras situado no Paseo de Lugo e a rúa Carude contivera o texto en catalán.
Para Katy Varela, voceira do PP, "este é un exemplo máis do descontrol e da mediocridade que existe na xestión do goberno local, que nin tan sequera fai un seguemento de cuestións tan simples coma esta".
A popular recoñece que "non ten nada en contra desta lingua, pois en Galicia, tamén nos sentimos orgullos da cooficialidade do galego co castelán, pero o que non é de recibo é que o aviso de que se van a levar a cabo obras nestas rúas non sexa en ningunha das nosas linguas que a Constitución non outorga aos galegos, senón noutra moi diferente como é a referida".
Varela considera que isto evidencia que "Monforte está sen rumbo e sen timón; situación que pode estar xerada, di, porque igual o alcalde lle está a dedicar máis tempo á Deputación que á nosa cidade".
RESPOSTA DO CONCELLO. Desde o concello de Monforte aseguran que o valo foi colocada por un particular que solicitou permiso para cortar o tráfico na Rúa Carude por unhas obras na súa casa.
O goberno municipal indica que o tráfico por esta vía reactivouse a media mañá deste xoves.