Máis de 60 establecementos hostaleiros de 10 municipios do sur da provincia de Lugo participarán na nova edición de Estase Cocendo, unha iniciativa en ofrecerana tapas especiais e menús de cocido desde este sábado e até o 22 de marzo.
O presidente da Deputación, José Tomé Roca, participou este venres na presentación desta iniciativa, que impulsa a Asociación Provincial de Empresarios de Hostalaría de Lugo e que chega xa á súa XII edición.
O programa completarase con visitas guiadas gratuítas por Monforte de Lemos, rutas a cabalo, quedadas de motos, e todo tipo de actividades de lecer, ademais de descontos en casas rurais e hoteis da zona no Mes do Cocido de Entroido na Ribeira Sacra.