O persoal da residencia de maiores Virxe do Carme de Sober realizou un emotivo vídeo para animar aos usuarios deste centro, uns "heroes que non teñen capa...levan bastón".
O Concello de Sober compartiu no seu perfil de Facebook e agradeceu o traballo realizado por todo o persoal da residencia: "Grazas a todos e todas as traballadoras polo seu bo facer, polo seu inmenso labor e por este agasallo cheo de enerxía".
Ademais, o consistorio dedicou unhas palabras aos usuarios da residencia, dos que destacou "a súa forza e a súa vitalidade" nestes duros momentos. "Son os nosos heroes e as nosas heroínas", apuntou o Concello.
