martes. 13.04.2021 |
El tiempo
martes. 13.04.2021
El tiempo

O BNG pide que se manteña o actual transporte escolar no Courel

Concentración en Folgoso do Courel en contra del nuevo plan de transporte escolar. CARLOS JULIO GONZÁLEZ
Concentración en Folgoso do Courel en contra do novo plan de transporte escolar. CARLOS JULIO GONZÁLEZ
Carme Aira cuestionou o concurso elaborado pola consellería de Educación e pediu unha solución para os nenos e os traballadores

O BNG amosou este xoves o seu apoio ás reivindicacións da comunidade educativa e o pobo do Courel. O obxectivo é "garantir os servizos de transporte escolar ante o novo concurso de Educación cun deseño de rutas elaboradas por unha empresa avalada pola consellería que aboga por paradas e medidas de tempo ficticias, reduce de 6 a 4  as rutas e alonxa aos nenos e nenas dos seus domicilios obrigandóos a permanecer á intemperie ante a falta de marquesiñas".

A deputada nacionalista Carme Aira, afirmou que este plan "somete aos nenos e nenas a longos percorridos, con riscos innecesarios exixindo que os vehículos pasen de un máximo de 9 prazas a microbuses con 25". A parlamentaria preguntou a Román Rodríguez se a consellería é realmente  “consciente” das consecuencias ás que serán sometidos os alumnos durante os catro anos do concurso do transporte escolar.

Por outra banda, afirmou que "baixo a escusa de exixencias da Unión Europea e da normativa de contratos do sector público, o PP formalizou uns macrolotes con condicións inasumibles para os actuais prestadores do servizo". 

CONCURSO ACTUAL. O grupo nacionalista tamén incidiu na necesidade de manter o tecido socioeconómico da zona. 

Carme Aira abogou por empregar os fondos europeos do Plan Feder en iniciativas destinadas ao desenvolvemento  "e posta en valor  da zona e non para a  precarizar, aínda máis, a vida das persoas". 

O BNG pide que se manteña o actual transporte escolar no Courel
Comentarios