Ana Pontón participará este martes nun acto do BNG en Chantada

A voceira nacionalista tamén visitará varias empresas da localidade e percorrerá a feira
Ana Pontón durante unha intervención no Parlamento de Galicia. PEPE FERRÍN (AEP)
photo_camera Ana Pontón durante unha intervención no Parlamento de Galicia. PEPE FERRÍN (AEP)

A voceira nacional do BNG, Ana Pontón, visitará Chantada este martes para participar, a partir das 20 horas, nun acto público convocado pola formación nacionalista na praza do Cantón.

Na xuntanza, á que os nacionalistas quixeron chamar Conversas abertas con Ana Pontón, intervirán tamén a responsable do BNG na zona sur da provincia de Lugo, Rosana Prieto, e o voceiro da formación en Chantada, Manuel Moure.

O percorrido de Pontón pola vila do río Asma comezará xa pola mañá coa visita a dúas empresas da localidade, a fábrica das Galletas Mariñeiras Daveiga e a compañía de telefonía A túa Xanela.

A continuación, a líder da oposición en Galicia aproveitará para visitar a feira de Chantada e, despois de xantar, achegarase á Adega Lareu para coñecer o traballo desta bodega na parroquia de Sabadelle antes de poñer rumbo á praza do Cantón para presidir o acto do BNG.

Comentarios