A Primeira Mini descansou esta fin de semana da competición regular para dar comezo á preparación das preseleccións galegas de cara ao Campionato de España, que se celebrará o vindeiro abril. Leváranse a cabo un total de oito concentracións que serán repartidas entre os meses de decembro e marzo.
O primeiro encontro de traballo celebrouse o sábado e o domingo na Estrada coas preseleccións feminina e masculina divididas en grupos norte e sur. No caso da categoría feminina foron convocadas cinco xogadoras lucenses: María Grandas e María Parga, do Sarria, Natalia Basanta e Álina Rodríguez, do Burela, e Natalia Ferreiro, do Ensino. Ademais, Adrián López, do Sarria, dirixe o cadro técnico desta categoría. Na masculina, foron chamados tres xogadores da provincia: Hugo Santos e David Prado, do Estudiantes, e Pablo Domínguez, do Sarria.
A seguinte cita das preseleccións será na derradeira semana do ano, aproveitando as vacacións de Nadal, pero antes continuará o curso para a Primeira despois de dúas fins de semana parado. Na categoría masculina a vindeira fin de semana haberá derbi lucense entre o Sarria e o Estudiantes, mentres que na feminina o Sarria e o Burela viaxarán para enfrontarse ao Costa Ártabra e ao Básquet Coruña, respectivamente.
1º MINI MASCULINA - GRUPO NORTE A |
---|
Basket Ferrol | - | BBCA |
Básquet Coruña | - | Baxi Ferrol |
Sarria | - | Estudiantes |
1ª MINI FEMININA - GRUPO NORTE |
---|
Costa Ártabra | - | CB Sarria |
Montrove | - | Baxi Ferrol |
Básquet Coruña | - | Burela |