O Estudiantes conquista o derbi contra o Sarria na segunda fase

Esta fin de semana trouxo ás pistas o primeiro derbi masculino da segunda fase.

Consulta as competicións aquí

Masculina   

O Estudiantes e o Sarria enfrontáronse na capital provincial e foi o conxunto celeste quen conseguiu levarse os dous puntos. Os locais dominaron no rebote e tiveron moitas opcións para anotar. Ademais, aproveitáronse dos erros dos amarelos en situacións sinxelas. Malia que o Sarria tivo bos momentos en defensa, o Estudiantes os superaban moi facilmente no un contra un, o que propiciou que o duelo rematara cun marcador de 77-45.

Feminina

Na categoría feminina os dous equipos lucenses saíulles cruz esta xornada. No grupo A1 o Burela perdeu por terceira vez nas catro xornadas que leva a segunda fase. As laranxas xogaron a domicilio contra o CAB Social nun partido que, malia ter momentos bos, caeu do lado das locais. Pola parte do Sarria, no grupo A2, foi superado polo Básquet Coruña, tamén coma visitante. A lesión de María Grandas pesou moito no seu equipo, custoulles anotar e resultoulles imposible competir contra un rival que foi mellor durante todo o partido.