Pleno de triunfos locais para os lucenses da Primeira júnior

Gran xornada lucense na Primeira júnior, onde soamente se rexistrou unha derrota entre os seis equipos da provincia.

Consulta as clasificacións aquí

Masculina

Na masculina, o Ensino superou a un Basket Ferrol moi loitador. Os lucenses saíron á pista co obxectivo de dominar o encontro e así o fixeron. No primeiro período conseguiron levarse un parcial de 28-14 que lles deu unha vantaxe que administraron ata o final. Foi un partido con minutos para tódolos xogadores onde destacou Samuel, tanto en ataque coma en defensa.

O Estudiantes e o San Ciprián tamén sumaron os dous puntos esta xornada. Os celestes gañaron ao Blanco Amor nun partido moi importante para recuperar a confianza. Dende o principio estiveron concentrados e dominando o rebote. Os de Ourense impuxeron unha defensa en zona que souberon ler e sacar cestas con facilidade. No caso do San Ciprián, impúxose na casa ao Compañía de María. Despois dun grande inicio de partido, con moita mobilidade de balón e boa lectura do xogo, conseguiron anotar 27 puntos. No segundo cuarto, baixaron o acerto e a fluidez en ataque, o que propiciou unha reacción dos rivais e fóronse seis puntos arriba ao descanso. No segundo tempo os da Mariña axustaron a sua defensa e unha boa serie de tiros libres finais deulles a vantaxe suficiente para levarse o choque.

SAN CIPRIÁN 85 - 79 COMPAÑÍA DE MARÍA

ESTUDIANTES 86 - 48 BLANCO AMOR

ENSINO 81 - 46 BASKET FERROL

Feminina

Na feminina, o Ensino disputou un partido moi igualado contra o Celta Zorka, outro dos grandes equipos da categoría. O equipo da capital provincial comezou moi ben, cun gran ritmo defensivo e índose con 12 puntos por riba no marcador. No segundo cuarto o duelo atrancouse, se lles pechou o aro e as de Vigo freáronas coa súa zona. No terceiro cuarto mantívose a mesma dinámica, o Ensino estivo ben en rebote e defensa, pero non tiveron tanto acerto como no inicio. A falta de cinco minutos as do Celta conseguiron poñerse oito puntos por riba, pero as ensinistas sacaron todo o seu carácter para conseguir o triunfo nun final que puido caer para calquera.

No caso do Estudiantes, o marcador caeu do lado do Miralba Celta. As celestes empezaron o partido moi ben, con verticalidade e facendo un bo traballo en defensa. No segundo cuarto o equipo de Lugo atascouse ofensivamente e afectáronlle as decisión arbitrais co que o partido se iguala. No terceiro cuarto o Estudiantes volve facer un bo baloncesto, aproveitaron as súas vantaxes na pista e fóronse de dez no marcador. Malia isto, no derradeiro cuarto comenzaron a cometer erros polos nervios e o Celta engánchase ao partido. Un erro defensivo custoulles unha tripla e tras non acertar nos tiros libres, as visitantes volven meter dende a liña de tres para levarse a vitoria.

Con isto, a outra vitoria lucense da xornada foi para o Sarria, que se impuxo coma visitante ante o Maristas Coruña. No primeiro cuarto, as perdas e o rebote defensivo custáronlles moitas cestas fáciles, pero conseguiron impoñerse no marcador antes do descanso. Á volta do intermedio deixaron ver unha grande circulación do balón que lles permitiu ás amarelas atopar situación de tiros cómodos tanto curtos como largos que lles fixo romper o encontro.

ESTUDIANTES 63 - 64 MIRALBA CELTA

ENSINO 66 - 65 CELTA ZORKA

MARISTAS CORUÑA 53 - 71 SARRIA