A xornada número 13 deixou triunfos para o Ensino e o Estudiantes. Na masculina, o Estudiantes gañou na casa ao Ourense, pero o San Ciprián non se fixo co partido contra o Tui.
Feminina
O Ensino apuntouse unha nova vitoria contra o Maristas Coruña a domicilio. Aínda que as lucenses comezaron o duelo con pouco acerto, a medida que foi avanzando o primeiro e o segundo cuarto colleron impulso e puxéronse moi por riba no marcador. Fixeron un partido moi completo no que a diferencia entre os dous equipos foi evidente e aproveitaron para seguir practicando cousas novas.
No caso do Estudiantes, levouse tamén unha vitoria coma visitante contra o Arxil A. Dende o principio foi un encontro moi duro, no que as celestes comezaron cun grande acerto que se foi freando a medida que as locais se endureceron. No segundo cuarto ambos os equipos sumaban pequenas vantaxes e tralo descanso a esixencia física aumentou os erros nos tiros. Chegouse ao final cun marcador moi igualado, o Estudiantes meteu dous triplas a falla de dous minutos e mantivéronse por diante no marcador grazas á boa actitude defensiva para conseguir pechar o duelo a través dos tiros libres.
Esta xornada o Sarria adiou o seu encontro contra o Miralba Celta e volverá á pista a semana que ven para enfrontarse en Vigo contra o Celta Zorka.
MARISTAS CORUÑA 22 - 101 ENSINO
Ensino: Laura, Juliet, Carla, Naroa, Marta, Lucía, Carmen, Idaira e Noa.
Parciais: 06-23/02-31/05-18/09-29.
Cancha: Maristas Colexio Elviña.
ARXIL A 53 - 58 ESTUDIANTES
Estudiantes Lugo: Iria, Nerea, Celia, Carla, Antía, María, Laura, Carolina, Ana, Ariadna e Paula.
Parciais: 16-14/14-18/07-08/16-18.
Cancha: Universitario Pontevedra.
1ª JÚNIOR FEMININA |
---|
Maristas Coruña | 22-101 | Ensino |
Arxil A | 53-58 | Estudiantes |
Compostela | 85-37 | PBB A |
Sarria | A | Miralba Celta |
Carmelitas | 53-79 | Celta Zorka |
D | BBCA |
Celta Zorka | - | Sarria |
Miralba Celta | - | Compostela |
PBB A | - | Arxila A |
Estudiantes | - | Maristas Coruña |
Ensino | - | BBCA |
D | Carmelitas |
Masculina
Na masculina, o Estudiantes conseguiu gañar ao Ourense na casa. Os celestes comezaron levándose os primeiros parciais, pero o Ourense apertou na segunda metade e o Estudiantes soubo reaccionar os últimos 20 minutos amosando unha actitude inmellorable para conseguir o triunfo final.
No caso do San Ciprián, caeu contra o Tui nun partido moi irregular no que non puideron manter o nivel de intensidade nunha pista difícil. No primeiro tempo xogaron de ti a ti, pero faltoulles paciencia en ataque e deixaron demasiadas segundas oportunidades en defensa. No segundo tempo cambiamos a zona e o Tui freouse, pero fallaron demasiados tiros como para remontar o marcador.
O Ensino tiña que enfrontarse contra o Novobasket esta xornada, pero adiaron o seu encontro. Os lucenses, ademais, descansarán a próxima semana o que aproveitarán para recuperar efectivos.
TUI 72 - 51 SAN CIPRIÁN
San Ciprián: Manuel, Nicanor, Carlos, Antón, Marcos, Diego, Raúl, Álvaro e Daniel.
Parciais: 18-12/20-13/23-14/11-14.
Cancha: Tui Ganónigo Valiño.
ESTUDIANTES 72 - 52 OURENSE
Club Ourense Baloncesto: Ronny, Javier, Pablo, Omar, Iago, Mario, Nicolás, Daniel, Jacobo, Mateo e José Manuel.
Parciais: 18-09/13-09/18-18/23-16.
Cancha: Anexo do Pazo.
1ª JÚNIOR MASCULINA |
---|
Tui | 72-51 | San Ciprián |
Estudiantes | 72-52 | Ourense |
Seis do Nadal | 53-106 | Obradoiro Peleteiro |
Ensino | A | Novobasket |
Compostela | 66-77 | Bosco Salesianos |
Blanco Amor | 56-53 | Compañía de María |
D | Basket Ferrol |
Blanco Amor | - | Tui |
Compañía de María | - | Compostela |
Bosco Salesianos | - | Basket Ferrol |
Novobasket | - | Seis do Nadal |
Obradoiro Peleteiro | - | Estudiantes |
Ourense | - | San Ciprián |
D | Ensino |