Á Galega infantil quédalle un mes para pechar a primeira fase da tempada

O Estudiantes e o Ensino caen na feminina contra o Peleteiro e o Básquet Coruña. No caso da masculina, os tres conxuntos lucenses leváronse os dous puntos.

Consulta as clasificacións aquí

Feminina

Os equipos de Lugo xa non teñen esperanza para pasar á segunda fase e nesta ocasión tanto o Estudiantes coma o Ensino foron derrotados. O conxunto celeste caeu a domicilio contra o Peleteiro, malia que lle custou entrar no partido, reaccionou na segunda metade para recortar diferencia no marcador. No caso do Ensino, perderon contra o Básquet Coruña. As da cidade herculina matáronas no primeiro período, pero o resto do encontro competiron a bo nivel e amosaron a evolución do grupo.

PELETEIRO 52 - 42 ESTUDIANTES

ENSINO 38 - 73 BÁSQUET CORUÑA

Masculina

En canto á masculina, o Buela e o Estudiantes acarician a segunda fase. Os da Mariña gañaron na casa ao Narón, malia que no fixeron unha moi boa primeira parte, xa que non amosaron o seu nivel nin en defensa nin en ataque. Despois do descanso melloraron e conseguiron certificar o triunfo cun resultado de 72-60. No caso dos celestes, viviron un duelo moi duro fisicamente contra o Narón. Tras unha primeira metade moi igualada, o Estudiantes consegue irse por riba ao descanso, pero os líderes comezan a atoparse con cestas máis sinxelas e o duelo decide nos intres finais, que lle saíu de cara aos de Lugo.

No caso do Ensino, no quinto posto, conseguiu a cuarta vitoria superando ao Montrove coma visitante. No primeiro cuarto do partido impuxéronse os ataques ás defensas e o partido foise ao descanso moi aberto. No terceiro período o equipo local perde ao seu mellor xogador por unha lesión, feito que aproveitan os de Lugo para manter o nivel alto en ataque e romper o partido con 34 puntos no terceiro cuarto.

ESTUDIANTES 81 - 79 BÁSQUET CORUÑA

BURELA 72 - 60 NARÓN

MONTROVE 74 - 104 ENSINO