Esta fin de semana celebrouse a primeira xornada da segunda fase da Primeira cadete.
Masculina
GRUPO A1
Na masculina, os equipos lucenses que faltaban por saír á pista estrearonse con derrotas. No caso do Estudiantes, no grupo A1, caeron contra o Básquet Coruña nun partido moi igualado. Os celestes comezaron mandando no marcador grazas ao seu gran nivel defensivo, pero os coruñeses rematan achegándose ao descanso. Tralo paso polos vestiarios os de Lugo baixan o nivel e os locais aprovéitano para poñerse por riba no electrónico. Despois dun tempo morto, o Estudiantes volveu apertar defensivamente e conseguen igualar o partido para irse á prórroga. No último período, os problemas de faltas e a fatiga dos celestes fan que non podan levarse o partido.
BÁSQUET CORUÑA 71 - 67 ESTUDIANTES
Estudiantes Lugo: Jacobo, Pablo, Sergio, Mateo, Lucas, Hugo, Dimas, Rodrigo, Mikel, Duarte e Lucas.
Parciais: 13-13/13-14/22-16/15-20/08-04.
Cancha: Riazor.
1ª INFANTIL MASCULINA - SEGUNDA FASE GRUPO A1 |
---|
Novobasket | 97-67 | Allariz |
Básquet Coruña | 71-67 | Estudiantes Lugo |
Novobasket | - | Estudiantes Lugo |
Allariz | - | Básquet Coruña |
GRUPO A2
Falando do Burela, os da Mariña caeron por tan só un punto de diferenza contra o Basket Ferrol. Despois dun primeiro cuarto igualado, os laranxas conseguiron tomar distancia ao descanso grazas á boa circulación do balón e traballo en equipo. Seguiron mandando no terceiro período, pero unha decisión arbitral discutida cambiou o rumbo do partido. Iker, que levaba anotados 30 puntos ata ese momento, tivo que sentar no banco despois da cuarta e quinta falta. O equipo loitou por manterse no partido e o conseguiron, xa que tiveron opcións ata o final cun tiro de Noel que non tivo a sorte de anotar.
BASKET FERROL 90 - 89 BURELA
Burela: Adrián, Daniel, Roi, Noel, Egoitz, Ethan, Manuel, Iker e Pablo.
Parciais: 17-17/21-32/23-27/29-13.
Cancha: Esteiro.
1ª INFANTIL MASCULINA - SEGUNDA FASE GRUPO A2 |
---|
Basket Ferrol | 90-89 | Burela |
Obradoiro | 52-86 | Tui |
Basket Ferrol | - | Tui |
Burela | - | Obradoiro |
GRUPO B1
O Ensino, no grupo B1, esta xornada non saíu á pista xa que celebrara o seu primeiro encontro contra o Estudiantes Pontenvedra a pasada xornada. A vindeira semana recibirá na capital provincial ao PPB A.
1ª INFANTIL MASCULINA - SEGUNDA FASE GRUPO B1 |
---|
Estudiantes | 97-99 | Ensino Lugo |
PBB A | 77-59 | Montrove |
Estudiantes R | - | Montrove |
Ensino Lugo | - | PBB A |
Feminina
GRUPO B1
Na feminina, as lucenses tampouco se levaron os dous puntos. No grupo B1 o Estudiantes caeu por 65-58 contra o Compañía de María, un dos mellores equipos do grupo. O equipo celeste competiu en case tódolos momentos do xogo, con un grande nivel táctico que as levou a manterse igualadas ata o descanso. Uns minutos de desconexión fixeron que o Compañía tomase un pouco máis de distancia e ao final o partido caeu do seu lado.
COMPAÑÍA DE MARÍA 65 - 58 ESTUDIANTES
Estudiantes Lugo: Sarai, Noa, Carla, María del Canto, Arianny, Carlota, Alba e Ania.
Parciais: 18-11/10-15/17-11/20-21.
Cancha: Compañía de María.
1ª INFANTIL FEMININA - SEGUNDA FASE GRUPO B1 |
---|
Compañía de María | 65-58 | Estudiantes |
Compostela | 73-36 | Carmelitas Ourense |
Compañía de María | - | Carmelitas Ourense |
Estudiantes | - | Compostela |
GRUPO B2
No grupo B2 o Ensino foi superado tamén a domicilio. Enfrontáronse contra o Seis do Nadal nun duelo ao que saíron con imprecisión de cara ao aro. Co paso do tempo melloraron, o que lles levou a disputar unha primeira parte bastante igualada. Na segunda parte foron mellores as locais, o Ensino tivo momentos nos que desapareceu da pista e isto levounas á derrota. Porén, as ensinistas foron mellores tanto a nivel técnico como táctico, pero o Seis do Nadal tivo un grande porcentaxe de acerto que lle permitiu quedar cos dous puntos.
SEIS DO NADAL 65 - 55 ENSINO
Ensino: Sara, Natalia, Noa, Marta, Cayetana, Adriana R, Adriana L, Antía, Rosa, Adriana e Marina.
Parciais: 16-11/15-14/14-20/19-10.
Cancha: Balaidos.
1ª INFANTIL FEMININA - SEGUNDA FASE GRUPO B2 |
---|
Seis do Nadal | 65-55 | Ensino |
Blanco Amor | 47-61 | Peleteiro |
Seis do Nadal | - | Peleteiro |
Ensino | - | Blanco Amor |