O Ensino comezou a segunda fase cunha vitoria a domicilio na categoría masculina

Esta fin de semana a Primeira cadete comezou a segunda fase da competición. O Ensino xoga polo campionato na categoría masculina e feminina, mentres que o Burela e o Estudiantes esperan conservar a categoría.

Consulta as clasificacións aquí

Masculina

Os ensinistas foron quen de estrearse con bo pé na segunda fase, xa que gañaron a domicilio ao Básquet Coruña. Comezaron ben o partido, con intensidade, pero foron baixando o nivel e encaixaron bastantes puntos. O Ensino foi mellorando no segundo e terceiro cuarto, xa co partido no peto. No último período se deixaron levar un pouco, pero seguen coa mira na fase máis importante da competición, chegar á final.

BÁSQUET CORUÑA 59 - 101 ENSINO

Feminina

Na feminina, os tres equipos lucenses repártense entre os tres grupos. O Ensino loita polo campionato ao igual que na masculina, pero neste caso elas caeron derrotadas contra o Seis do Nadal. Disputaron un partido moi igualado en tódalas facetas do xogo, no que os erros non lles permitiron despegarse no marcador. A derrota decidiuse ao final, polo acerto no tiro exterior das rivais.

O Estudiantes venceu ao Miralba Celta no grupo B1. As celestes conseguiron saír amosando un bo nivel defensivo, algo que lles estaba custando nos últimos partidos. Isto axudoulles a roubar balóns correr e meter cestas fáciles para conseguir as primeiras vantaxes. Na segunda metade seguiron controlando o partido e sacaron unha diferenza importante que administraron sen problemas ata o final.

O Burela no B2, superou coma visitante ao Río Ulla. O conxunto da Mariña recuperou a Candela e notouno dende o inicio, conseguiron levarse o primeiro cuarto, pero baixaron o ritmo antes do descanso. Malia isto, á volta puxéronse a traballar e conseguiron sacar unha grande diferencia no terceiro parcial para asegurarse o triunfo.

ENSINO 54 - 57 SEIS DO NADAL

ESTUDIANTES 59 - 29 MIRALBA CELTA

RÍO ULLA 41 - 55 BURELA