O Ensino acumula 22 puntos despois de conseguir a décima vitoria contra o Básquet Coruña

O Ensino acaricia o grupo de ascenso na masculina, xa que asinaron a décima vitoria esta xornada. Na feminina, as ensinistas gañaron ao Casa Sedes e o Estudiantes caeu contra o Compostela.

Consulta as clasificacións aquí

Masculina

O Ensino volveu levarse a vitoria contra o Básquet Coruña, pero segue pechando os partidos con peores resultados que na primeira volta. Os coruñeses empezaron o partido con moito ritmo, mentres que o ataque dos lucenses van perdendo fluidez en ataque ao pecar de demasiadas individualidades. Malia iso, foron distanciándose no marcador, pero o equipo visitante consegue igualar o duelo ao final do primeiro cuarto. No segundo, o Ensino dominou sen buscar as súas mellores opcións e fóronse ao descanso por riba no marcador. Tralo intermedio, os locais melloraron a súa defensa para facer transicións e distanciarse máis no resultado.

ENSINO 87 - 53 BÁSQUET CORUÑA

Feminina

Pola parte dos conxuntos da provincia na feminina, o Estudiantes non foi quen de impoñerse ao Compostela. As celestes empezaron o duelo con dúbidas, o que fixo que non estiveran ben en ataque, aínda que a defensa mellorou con respecto a partidos pasados. Co paso dos minutos foron reaccionando, recortaron diferenzas no marcador, pero unha lesión de Marina as saca do duelo totalmente. Dende aí intentaron competir o mellor posible, pero tiñan a cabeza na súa compañeira, á que desexan unha pronta recuperación. 

No caso do Ensino, superou ao Casa Sedes a domicilio dando unha boa versión de equipo. As lucenses saíron á pista sendo moi superiores ás rivais, que solo conseguían os puntos no tiro libre. Na segunda metade o duelo igualouse, pero conseguiron estar ben plantadas nos minutos decisivos e leváronse a Lugo os dous puntos cun taboleiro de 64-70.

COMPOSTELA 72 - 43 ESTUDIANTES

CASA SEDES 64 - 70 ENSINO