O Burela adianta ao Estudiantes na lista, ambos por detrás do Ensino

A falta de tres xornadas para rematar a primeira fase o Ensino mantense ao pé do podio, seguido do Burela e o Estudiantes.

Consulta as clasificacións aquí

Feminina

Os equipos da feminina apertan na recta final da primeira fase e o Ensino achegase á segunda fase. As lucenses gañaron esta fin de semana a domicilio ao Ferrol por 42-81. As de Aigor Romo foron amosando a súa superioridade no xogo e afastándose pouco a pouco no marcador. O Burela empata co conxunto da capital a 17 puntos despois de lograr gañar ás segundas clasificadas, o Compostela. As laranxas saíron mellor á pista e conseguiron irse por diante ao descanso. Malia que as locais metéronlle unha marcha máis tralo paso polos vestiarios, o equipo da Mariña conseguiu administrar a diferenza ata levarse o encontro por tan só un punto. 

O Estudiantes, sexto, foi derrotado na casa polo líder da clasificación, o Básquet Coruña. As visitantes son moi superiores fisicamente e na primeira metade conseguen sacar ás de Lugo do partido. No terceiro tempo o conxunto celeste reaccionou, conseguiron máis intensidade e aumentaron o ritmo anotador.

FERROL 42 - 81 ENSINO

ESTUDIANTES 39 - 69 BÁSQUET CORUÑA

BURELA 43 - 42 COMPOSTELA

Masculina

En canto ao conxunto masculino do Ensino, esta xornada gañou a domicilio ao Montrove, pero cun marcador enganoso, xa que non houbo tanto dominio como indica a diferenza final. Na primeira metade, comezaron dominando, pero custoulles distanciarnos no marcador, non eran capaces de xogar ao seu ritmo e o Montrove freounos cunha defensa en zona. Chegaron ao descanso por riba, pero sen sentirse cómodos. Non foron capaces de distanciarse ata o último cuarto, cando atoparon o seu xogo nos roubos e metendo cestas fáciles para levarse o partido cun resultado de 42-98.

MONTROVE 42 - 98 ENSINO