Esta fin de semana a Primeira cadete non saíu á pista, coa excepción do Burela feminino, que disputou o partido de ida contra o Baxi Ferrol. As laranxas disputaran o partido correspondente á volta a fin de semana pasada e gañaran ás ferrolás por 59-44. Nesta ocasión o conxunto da Mariña tamén se levou unha vitoria. O duelo comezou a favor do Burela, que fixo un primeiro parcial de 5-16. Malia isto, un baixón defensivo fixo que o Ferrol se achegara no marcador ao descanso. Na segunda metade as laranxas volveron mandar na pista e sentenciaron o triunfo por 38-58.
BAXI FERROL 38 - 58 BURELA
Burela: Henar, Claudia, Aroa, Candela, Carla, Marta, Lucía e Sara.
Parciais: 05-16/18-11/06-14/09-17.
Cancha: Casa do Deporte.
| 1ª CADETE FEMININA - PRIMEIRA FASE NORTE |
|---|
| Baxi Ferrol | 38-58 | Burela |
| Baxi Ferrol | - | Casa Sedes |
| Básquet Coruña | - | Ensino |
| Compostela | - | Río Ulla |
| Burela | - | Estudiantes |
Masculina
No caso da categoría masculina, o Ensino espera a enfrontarse contra o Cambre a semana que vén na casa. Os lucenses, na segunda posición da lista, levan catro vitorias neste curso, mentres que os de Cambre son quintos e por agora gañaron dous partidos.
| 1ª CADETE MASCULINA - PRIMEIRA FASE NORTE |
|---|
| Basket Ferrol | - | Betanzos |
| Ensino | - | Cambre |
| Culleredo | - | Básquet Coruña |
| Obradoiro | - | Montrove |
