A segunda fase da preinfantil comeza con cara e cruz para os conxuntos lucenses

A primeira xornada da loita polo Campionato tivo destinos diferentes para o Sarria e o Burela.

Consulta as clasificacións aquí

Masculina

No caso da masculina, os laranxas caeron na casa por só tres puntos. Enfrontáronse ao Culleredo e saíron ao parqué bastante durmidos, chegando a estar case 20 puntos por baixo no marcador no primeiro cuarto. No segundo tempo, cambiaron de mentalidade, melloraron en defensa e conseguiron empatar ao descanso. Á volta do intermedio seguiron moi serios e tiveron a dianteira no marcador ata o último minuto do encontro, no que o Culleredo conseguiu empatar e púxose tres arriba cunha tripla. O Burela intentouno no último segundo con estratexia, pero non conseguiu igualar o marcador e perderon 67-70.

BURELA 67 - 70 CULLEREDO

Feminina

Na categoría femininia, o Sarria dominou de principio a fin ao Brión no Novo Pavillón do Chanto. Malia que as rivais foron loitadoras e loitan en cada posesión, as amarelas non permitiron que se achegasen no marcador. A súa presencia física permitiulle defenderse nos contactos e saíron airosas, conseguindo comezar a segunda fase cunha vitoria.

SARRIA 60 - 33 BRIÓN