O Sarria conseguiu unha moi traballada vitoria contra o Culleredo na casa, mentres que, na masculina, o Burela caeu.
Feminina
Á preinfantil quédalle tan só un mes para pechar a primeira fase. O Sarria ocupa a segunda posición empatando a puntos contra o Culleredo, equipo ao que lle conseguiu gañar por primeira vez en competición oficial esta fin de semana.
As amarelas comezaron moi ben, sen permitir que as locais saíran en contraataque, a súa mellor arma ofensiva. O bo traballo no rebote de ataque foi a clave para incomodalas e irse facendo donas do partido. Ata o descanso, o partido mantívose igualado, pero o Sarria baixou o ritmo no terceiro cuarto, o que fixo que o Culleredo se metera no partido.
No último tramo do duelo, as amarelas sacaron todo o seu carácter para volver tomar as rendas e gañar a un grande rival.
CULLEREDO 49 - 60 SARRIA
CB Sarria: Aroa, María, Carla, Elena, Lúa, Martina, Alba, María P, María G e Rosa.
Parciais: 15-16/11-14/13-04/10-26.
Cancha: O Burgo.
PREINFANTIL FEMININA - GRUPO NORTE |
---|
Brión | 79-43 | Esclavas |
Culleredo | 49-60 | Sarria |
Básquet Coruña | D | Peleteiro |
Peleteiro | - | Básquet Coruña |
Sarria | - | Brión |
Culleredo | D | Esclavas |
Masculina
No caso da competición masculina, o Burela non tivo un gran día e perdeu a domicilio contra o Básquet Coruña. Os laranxas estiveron desacertados en ataque e en defensa faltoulles intensidade, co que os coruñeses puideron correr e facer dano en campo aberto. Malia o resultado, seguen no segundo posto da clasificación con case tódalas posibilidades de seguir no grupo alto para a vindeira fase.
BÁSQUET CORUÑA 69 - 56 BURELA
Burela: Roi, Daniel, Manuel, Egoitz, Fabio, Mateo, Hugo e Daniel.
Cancha: Ventorrillo.
PREINFANTIL MASCULINA - GRUPO NORTE |
---|
Betanzos | 88-77 | Culleredo |
Brión | 30-74 | Galogrín |
Costa Ártabra | 51-30 | Peleteiro |
Básquet Coruña | 69-56 | Burela |
Culleredo | - | Básquet Coruña |
Burela | - | Costa Ártabra |
Peleteiro | - | Brión |
Galogrín | - | Betanzos |