Esta fin de semana pechouse a liga regular preinfantil e o Burela e o Sarria conseguiron praza para o Campionato.
Feminina
O Sarria pechou a primeira fase cunha vitoria baseada no traballo colectivo sobre o Peleteiro. Custoulles anotar tiros afastados, pero foron capaces de superar ás súas rivais no un contra un, o que lles permitiu anotar preto do aro durante todo o encontro. En defensa, encontráronse bastante cómodas, mostrando solidez e sen conceder cestas fáciles. As amarelas remataron así no segundo posto da clasificación, empatadas coas líderes, o Culleredo, a 19 puntos.
PELETEIRO 12 - 62 SARRIA
CB Sarria: Aroa, María, Carla, Elena, Lúa, Martina, Alba, María P, María G e Rosa.
Parciais: 04-16/02-21/05-17/01-08.
Cancha: Montouto.
PREINFANTIL FEMININA - GRUPO NORTE |
---|
Peleteiro | 12-62 | Sarria |
Brión | 52-77 | Culleredo |
Básquet Coruña | D | Esclavas |
Masculina
O Burela gañou na masculina ao Galogrín por 46-69. Despois de que no partido de ida aos laranxas lles custara enfrontarse a este rival, neste caso os mariñaos impuxeron o seu xogo dende o segundo cuarto, no que fixeron un parcial de 09-23 que condicionou o duelo ata o final. O triunfo deixaos no cuarto posto da clasificación, tras o Betanzos, o Culleredo e o Básquet Coruña.
GALOGRÍN 46 - 69 BURELA
Burela: Roi, Daniel, Egoitz, Samuel, Fabio, Mateo e Daniel.
Parciais: 13-14/09-23/04-16/20-16.
Cancha: Municipal Calo.
PREINFANTIL MASCULINA - GRUPO NORTE |
---|
Culleredo | 78-28 | Peleteiro |
Galogrín | 46-69 | Burela |
Betanzos | 69-62 | Básquet Coruña |
Brión | 48-44 | Costa Ártabra |