Series da categoría de ‘El Secreto de Puente Viejo’, películas laureadas como ‘18 comidas’, pezas de teatro ou programas de televisión forman parte do extenso currículo de Xosé Barato, un dos actores e presentadores chairegos con maior proxección.
Xosé barato é un dos actores chairegos con maior proxección na pequena e na gran pantalla, no mundo do teatro e na comunicación. A súa filosofía é a de «moverse por non estar parado», e ademais de exercer recentemente como pregoeiro na Festa dos Pepes de Vilalba, xa ultima os preparativos de novos traballos, como unha ópera coa Real Filharmonía de Galicia, na que fará de narrador.
Que foi o que o levou a decantarse pola interpretación?
Desde a primeira vez que subín a un escenario, sendo case un neno, a sensación de pracer e as emocións que aquel feito provocou
